香港唔少行山群組都會組織行山隊，按道理做得領隊，就要負起隊員安全嘅責任。台灣最近就有案例，指行山領隊因疏忽導致隊員死亡，而遭判囚20個月。
2019年，一名綽號自稱「虎哥」嘅行山領隊招募隊員，挑戰台灣山界四大障礙之一嘅「馬博拉斯橫斷線」，位位收8000台幣 (約港幣$2200)。最後虎哥搵到四名隊員，連埋自己五人成團，點之中途遇到意外，張姓男隊員墮崖身亡。
案情透露，佢哋起行時天氣不穩，山上有積雪，「虎哥」仍然堅持上山。而遇害嘅張姓男子，平時有行山習慣，出行前亦對「馬博拉斯橫斷線」作深入研究，已購買十二爪嘅冰爪並帶上山。不過「虎哥」叫大家換上簡易冰爪，結果造成意外。意外後，「虎哥」更誤導相關人員，例如話張姓男子邊行山邊傾偈，因為分心而出意外；又話隊員墮崖係因為被樹枝勾倒等。
法官認為，「虎哥」作為專業領隊，未有提供合適裝備畀隊員，亦無注意山上嘅天氣情況，過失致死罪成立，判入獄20個月。
香港法例同台灣唔同，以「疏忽」去定罪並唔容易，不過台灣呢單案件提醒大家，做得領隊，唔理係義務定收錢，都要將隊員嘅生命安全放喺第一位。
馬博拉斯橫斷線
「馬博拉斯橫斷線」位於玉山國家公園，路線全長96.3公里，步道沿著中央山脈稜線而走，需時8日。
此路線山高路陡，極富地形地質景觀與挑戰性；雖有步道系統，但步徑較差，必須有完整之登山裝備、充沛之體力、耐力，以及豐富登山知識，方可從此進行登山活動。
路線途經中央山脈第1高峰秀姑巒山｛及第2高峰馬博拉斯山，而且因中央山脈受地殼強力推擠，產生劇烈扭曲，形成多處險峻斷崖；馬博拉斯山至馬利亞文路山須經險惡的烏拉孟斷崖、馬利加南山附近更是危崖遍布，西有馬利亞文路斷崖、馬利加南東峰至馬布谷間有塔比拉斷崖等斷崖地質景觀。另外馬布谷及太平谷，地勢廣大平坦，綠草如茵，兩側林木蒼翠，為台灣高山中罕見的幽谷。
參考短片
生於亂世，有種責任。這個責任就是做好自己，感染別人。鍛練好身體，才能裝備自己，迎接亂世。
