山友製作《歷年山難意外事件簿》汲取教訓 提高安全意識

一場疫症令行山遠足成為熱門活動，但有唔少人缺乏安全，致使行山意外比往年更為頻密。有山友有見及此，整理各宗山難意外，希望可以警惕大家要注意山野安全。

呢個由《山藝讀本》作者何偉明及其團隊製作嘅《歷年山難意外事件簿》，網上輯錄遠至1955年，歷年見報嘅山野意外，詳列發生日期、性質，以及經過等。

意外嘅嘢，當然無人希望會發生。不過睇返歷年嘅意外事件，令大家從中可以汲取教訓，又真係可以提高大家安全意識。