湊B行山成美國新興活動

BB車可以話係唔少港爸港媽「居家旅行」必備嘅裝備，呢啲港爸港媽為求方便，去邊都要推住部BB車。事實上，唔少專家都鼓勵父母要抱多啲BB，因為抱擁可以加深父母同小朋友嘅聯系，令BB更加有安全感，以應付成長需要。

最近美國就興起「抱B行山」，仲被提倡成為對父母好、對BB好嘅活動。

媽咪行山 BB開心

住喺美國猶他州嘅 Shanti Hodges，係一位6歲小朋友嘅媽媽。小朋友出世後，佢被逼放棄最鍾意嘅行山、露營活動，全天候留喺屋企照顧小朋友。Shanti 仲留意到身邊嘅新任媽咪，唔少都被逼匿喺屋企，最多都係去健身室做下運動。

Shanti 行山癮真係大到頂唔住，結果佢就索性抱阿B行山。久而久之，發覺呢個活動對媽咪自己，甚至對BB都好有好處。媽咪嘅身體固然好咗，情緒亦開朗咗，至於BB亦比匿喺屋企較少脾氣。到而家 Shanti 嘅小朋友6歲，對大自然嘅動植物已經好熟悉，亦都好關心環保生態嘅問題。

而 Shanti 喺呢段期間，亦引導唔少新手父母齊齊結伴上山。佢成立咗群組 Hike it Baby，希望父母同BB齊齊體會野外生活。

----- 廣告 Ad -----

華盛頓郵報一篇專欄文章，對 Hike it Baby 高度評價。佢哋引述本年7月一份發表醫學期刊報告，證實「帶BB行山」可對父母同BB都極有益處。

研究由丹麥一間醫學機構發表，佢哋統計咗2004至2017年，共84份醫學研究嘅數據，發現將遠足、露營作為親子活動嘅話，對兒童嘅自尊、信心，以至適應能力和學業表現，都有出色嘅表現。

文章嘅作者亦訪問咗一位兒科醫生，亦同意行山對小朋友發展相當有好處:

醫生提醒，BB嘅皮膚極為幼嫰，所以戶外活動記得為BB做好放曬，仲要做好驅蚊工夫，以及適時補水。

----- 廣告 Ad -----

講求綠色、環保、天然的健康生活。推廣新一代健康生活文化。