[狂男滅族式濫捕大壁虎] 網民震怒: 遲早有報應

我山雞呢次真係嬲都唔知講乜好! 網上流傳幾張cap圖，係一個口賤而又暴力，自稱狩獵人士嘅網民，於「本地爬蟲繁殖交流會」facebook群組 中上載多張所捕捉的「大守宮」(或稱大壁虎)，被人勸喻之後，竟然口出狂言並付諸行動，將郊野嘅大壁虎進行「抄家式」滅族，仲話要將呢啲壁虎煲湯，期後被發現於網上二手市場出售圖利。

根據《香港動物報》、《香港01》等網媒跟進，圖片中嘅爬蟲生物並非受保護動物，漁護署亦表示呢位狂男並無犯法。不過，網民仍未死心，決意搵出證據，將狂男繩之於法。例如狩獵嘅地點，使用工具等。 (在郊野公園狩獵，或使用工具捕獵野生動物屬違法) 我山雞希望大家群策群力，令呢一類人可以受到教訓。

而呢位狂男，早幾年亦喺網上發佈瘋狂言論，都係宣揚佢呢啲似是而非嘅道理，將佢呢啲瘋狂嘅狩獵行為合理化。

呢個人可以真係無觸犯法例，而呢啲壁虎雖然唔係受保護動物，不過唔通我哋又可以肆意將佢滅族呢？我唔諗佢都唔明眾生平等嘅大道理，或者借用網民嘅說話:「若然未報，時辰未到」 。

資料:「本地爬蟲繁殖交流會」facebook群組、香港動物報、香港01

Fitz連結: https://fitz.hk/?p=118662