Fitz > 運動 Sports > 行山 Hiking > [短途精華遊] 4條2小時限定行山路線 鹿頸 屯門徑 山頂 望夫石
其實香港唔少地區都有自家行山徑,要行遠途都唔使跨區。
其實香港唔少地區都有自家行山徑,要行遠途都唔使跨區。圖為屯門徑入口。

呢4條短途行山徑,全部需時兩小時以內,而且路況良好,係周末郊遊好去處。

最佳濕地: 鹿頸 > 谷埔

起點:鹿頸 (粉嶺MTR搭小巴56K)
途經:鹿頸、鳳坑、谷埔 (谷埔回頭折返)
距離:5公里 (來回10公里)
需時:2小時 (來回)
亮點:香港東北最佳濕地,中途站鳳坑有美味豆腐花

鹿頸海岸,對面就係深圳
鹿頸海岸,對面就係深圳

最地道: 屯門徑

起點:屯門新墟何福堂中學側 (即麥理浩徑終點)
途經:屯門徑二段、行者池、藍地水塘
距離:5公里
需時:1.5小時
亮點:藍地水塘以及上游水池風景優美 (雨季不宜落水玩),終點可定於藍地,有季季紅酒家,屬米芝蓮一星食肆。

注意: Goolge地圖到藍地水塘顯示為沒有路。但實情是,到水塘後,可橫過水壩落樓梯,到達石礦場。出石礦場可接福亨村路,最後到達藍地大街,搭輕鐵走人。

藍地水塘
藍地水塘

最方便: 中環 > 山頂

起點:中環 (上環亦可)
途經:中上環半山、龍虎山郊野公園
距離:4.6公里
需時:1.5小時
亮點:一半路程係城市街道,安全、方便。

山頂夏力道

最有代表: 慈雲山 > 望夫山 > 紅梅谷

起點:慈雲山法藏寺
途經:沙田坳道、望夫石
距離:4公里
需時:1.5小時
亮點:雖然話路短,但一啲都唔hea。望夫石代表了沙田,無論係咪沙田友都值得一到。

望夫石離遠望就望得多,近睇嘅機會真係唔多。
望夫石離遠望就望得多,近睇嘅機會真係唔多

行山抗疫注意事項

  • 疫情嚴峻,乘搭公共交通工具也是播毒的途徑。想郊遊避疫,可先考慮屋企附近山徑,以免令公共交通工具太避人。
  • 自己垃圾自己拎,拎到市區丟,以免污染郊野。 (特別係口罩要小心處理)
  • 出行前先做好準備: 規劃好行程路線,帶備足夠裝備及補給,通知身邊親友路線及返家時間。
  • 量力而為,切勿逞強。

文章為作者意見,不代表Fitz立場。