行山鞋防跣攻略：Vibram Megagrip等於天下無敵?

春夏交替，難免多雨。山友無論行山抑或跑山，都會遇到濕滑路面。呢個時候，好多人問:「咩行山鞋底可以應付呢啲路面?」某些行山鞋品牌，會有其自家研發方案。好似 Salomon 的 Contagrip，Haglofs 選用母公司 Asics 鞋底，Mizuno/Salewa 選用米芝蓮物料等。

山界的防跣傳說：Vibram Megagrip 鞋底

山界有一個神話般嘅傳說，就係意大利品牌 Vibram 出產嘅 Megagrip 鞋底，任何山路都如履平地。根據官網，MegaGrip 優點包括:

• 特製物料防滑性能甚高
• 耐用
• 精密的鞋底膠粒設計，能應付大石、沙地、泥地等不同路面

不過，根據大部份用家所講，Megagrip 最出名還是濕石上的表現，有一定程度保證 。

官方介紹短片

無論傳統行山鞋或越野跑鞋，不少品牌都有採用 Megagrip 鞋底。以下是部份熱門款式，要查閱歐美最新鞋款，亦可到以下網站:

• Vibram 歐洲官方網站 Megagrip 鞋款列表
• Vibram 美國官方網站 Megagrip 鞋款列表

行山鞋的防跣原理

除以品牌考慮防跣效能，選購行山鞋時亦要留意以下兩點:

1. 鞋底物料

行山鞋底物料通常係橡膠，原理係借用橡膠與路面阻力增加「摩擦力」，避免跣倒。不過橡膠亦有軟硬度之分，硬嘅會較跣，但耐用性較高；軟嘅防跣功能較好，但耐用性就較差。

2. 鞋底坑紋

行山鞋一般採用「狗牙底」，坑紋相當深，有助於濕滑路面製造摩擦力。不過要留意坑紋嘅方向，最好唔係單一方向，以應付唔同狀況嘅路面情況。

要駕馭濕滑路面，其實行山技巧以及肌肉鍛練亦相當重要。用心訓練，先會有成果。