今年度財政預算案,財爺宣佈撥款5.5億改善郊野公園設施。相關細節日前終於曝光,西貢成為當局嘅「重點項目」。

立法會書面質詢政府2021至2022年度開支預算,漁護署解答相關提問,話:

「新設施會盡量符合低碳及綠色的原則,讓設計融入自然,並顧及不同年齡 層及傷健人士的需要。現階段漁農自然護理署 (漁護署) 仍然在物色合適的選址作不同的優化設施……」

圖: Minghong

加強部份郊野公園設施及服務

漁護署話「初步構思」會加強以下設施及服務:

  1. 於西貢東郊野公園花山 (萬宜東壩側) 設置可遠眺破邊洲美景嘅新觀景台
  2. 於西貢西郊野公園增設升級露營地點
  3. 改建香港仔郊野公園燒烤及野餐地點
  4. 新設施會盡量符合低碳及綠色原則,並顧及不同年齡層及傷健人士需要
  5. 再次提到要增加「樹頂歷奇」等康樂設施
  6. 密切留意郊野公園人流,盡量「把不同需要的訪客分流往各個郊野公園,以減輕到訪壓力。」
魔鬼山行山人潮 圖: 網上圖片

營地試行預訂系統

漁護署於文件之中,以頗大篇幅講及營地改善工程。當中提及上年度署方喺上年度於大欖荃錦營地、大嶼山南山及石壁營地增設煮食爐位和露營平台等設施。此外,署方亦有以下計劃:

  1. 擴展部分現有露營地點範圍或增設露營地點,以供露營人士使用。其中黃石營地改建工作已完成,鶴藪營地及涌背營地亦即將進行改建工程
  2. 計劃設置新露營場,但顧及現有郊野公園設施
  3. 營地暫時維持「先到先得」,但會於2021年下半年於荃錦營地試行預訂系統

疏導郊野人流束手無策

不過,對於呢幾年每逢假期市民「逼爆」郊野嘅現象,漁護署顯得朿手無策。漁護署關於疏導人流嘅措施有:

  1. 完善路徑網絡覆蓋、控制路徑水土流失、改善植被、加設觀景點及優化訪客資訊等
  2. 改善及推介一些具旅遊潛力的行山路線,以分散人流
  3. 署方繼續密切監察熱門行山徑或景點的人流及環境,並在有需要時進行適當的改善工作,例如修復受損耗的山徑、改善植被、加強清潔服務,及加強向市民宣傳保護郊野公園環境的意識等

「鳳爪」記憶猶新

漁護署回答立法會嘅文件之中,多次提及會聯同旅遊發展局推廣香港郊野。事實上,呢一年來漁護署呢兩個「項目」,都令絕大多數愛好郊野嘅市民搖頭嘆息:

龍脊「鳳爪」裝置

龍脊的「龍爪手」已經拆除

郊野公園LED告示板

漁護署呢次亦多番提及會與「旅遊發展局」合作,未來日子會唔會再搞更多不倫不類嘅山徑設施? 所謂嘅營地提升工程,又係咪可以可以滿足營友真正需要?

其實,大多數解決方法都唔係錢嘅問題,係政府部門心態嘅問題。

資料: 審核二零二一至二二年度開支預算管制人員對財務委員會委員初步書面問題的答覆 (答覆編號 ENB005)


文章為作者意見,不代表Fitz立場。
歡迎投稿: http://fitz.hk/contribute/
首頁 > 運動 Sports > 行山 Hiking > 5億改善郊野公園細節曝光: 西貢山徑營地「被升級」