香港露營界有所謂「村長」文化，即係話有無良人士，長期以空置營幕霸佔營地，令其他人士無地可用。估唔到台灣都有呢一類「村長」，仲係一霸就霸晒靚景。
宜蘭加羅湖位處高山2200米，被譽為「仙女灑落的珍珠」，風景秀麗。因為由公路駕車前往大概只要兩小時，逐漸成為露營登山熱點，假期逼滿營友。
不過，早前有人喺閒日去到，竟然發現有15個空置營幕佔據湖邊第一排靚位，其他人去到只能排喺後面。
竟然有留電話
吉營之外，仲有好多煮食用品同食材。
霸佔營地嘅登山旅團向當局解釋，話佢哋只不過喺湖「晾乾營幕」，仲話下次唔敢。而森林管理處亦無懲處任何人，只係話要加緊巡邏。
----- 廣告 Ad -----
資料: 中央社
朱溫
生於亂世，有種責任。這個責任就是做好自己，感染別人。鍛練好身體，才能裝備自己，迎接亂世。