正式踏入夏天,最難頂係熱定係蚊呢? Why not both! 所以今日分享點防蚊。

頭盔 mode: 老hike係惹蚊但亦都好忍得痕嘅人,而有部分人用最高配備都話自己痕,所以以下方法參考only,自行測試最佳方法

講方法之前,要了解咗究竟果啲係咪蚊先。其實都有機會係: 蚊、蠓、蚤等做成。

蚊同蠓好難分,總之咬完都係痕,但蠓係集體活動多,所以一痕就係成撻痕,仲要痕幾日! 蚤就通常係小腿位多,又係勁痕,最緊要嘅係,有機會傳播傳染病! 所以必須做好防疫措施。

1. 蚊香

蚊香係含有除蟲菊精類成分的線香,一般一個燒到6-7hours。蚊香市面好多牌子,但户外使用效果唔理想,又唔想用掛身版煙薰自己,好處係平。

2. 蚊怕水

圖: 消委會

蚊怕水必須用含有 DEET 或 Picaridin 成份:

  • DEET – 敵避 (不僅可驅蚊,對其他病媒昆蟲如蜱、虱、跳蚤、白蛉、采采蠅、錐鼻蟲等及擾人吸血的小黑蚊均有驅避作用)
    • 只要正確使用,幾乎沒有任何副作用。
    • 但使用不當,會出現罕有嚴重併發症,與塑膠製品(如手錶手機等)接觸,會有腐蝕現象。
    • DEET因用於驅蚊,也可歸類為環境用藥,故環保署准許業者以環境用藥進口,但要求供應商必須在其產品上加註「不得直接噴灑在皮膚及衣服上」。
    • 但事實上,使用 DEET 必須抹 or 噴喺皮膚上先發揮效果,其作用係藉人體體溫令 DEET 在皮膚表面產生一層薄霧,蚊蟲因爲唔鍾意陣味而唔過黎。但如果就咁噴喺 pole 上耍,係完全無用。
    • 而每隻蚊怕水上含有嘅 deet %唔一樣,係咪高就勁啲? 以老hike所見就唔係,不過last時間耐啲就真。
  • Picaridin 比較新的成份,由於 DEET 安全成疑,所以逐漸用更安全嘅 Picaridin 去代替。
    • Picaridin 是一個驅蚊劑,主要作用方式是使蚊蟲無法感受到獵物的氣味,並不能直接殺死蚊蟲,研究指出同 DEET 比較,效能差不多,不過安全性同 side effect 就贏哂,近年大熱。

3. 滅蚊燈/捕蚊器

垃圾一樣,因為人體散發出來的二氧化碳量,絕對大於捕蚊器很多,所以當人與捕蚊器同時存在時,會因為人體排放的二氧化碳濃度遠大於捕蚊器,蚊係無會無視滅蚊燈。

另外,喺有光之下,UV 又好,紫外線又好,都唔明顯吸引致蚊,算吧啦。依啲係 for 餐廳收舖後用架

4. 蚊片

圖片由作者提供

利用熱力令蚊片揮發「除蟲菊酯」從而產生驅蚊效果

有無效就睇係咩牌子嘅蚊片,因為成份都有所不同 (首選 Thermacell & 雷達)。户外用效果依然出色,唯獨範圍唔大 (約15”x15”),同價錢比其他各種為貴

5. 艾草

艾草具有一種特殊的香味,能夠有效驅蚊。將艾草或艾條點燃,散發出來的煙霧可以將蚊蠓熏跑;或者將艾草加水浸泡,用來拖地,也可將佢煮成溫水,塗抹到身上,都可以做到驅蚊水的作用。

平,同好好聞,不過比較大煙,同好睇風向。個人體驗效果一般,可以一試。

6. 柴火

因為蚊係驚煙,加上某啲灌木係有驅蚊效果,所以柴火驅蚊係有一定嘅作用。唯一唔好處又係大煙,如果鍾意玩柴火嘅,都不失為一個好方法。

驅蚊方法好因人而異,有人試過用蚊機都唔得,反而用蚊香得,有啲係用蚊香唔得,反而用艾草得。有時覺得係心理作用居多,所以試自己最鍾意嘅方法。

原文載於 老hike都去camp Facebook 專頁


文章為作者意見,不代表Fitz立場。

歡迎投稿: http://fitz.hk/contribute/

廣告
老hike都去camp
80後老hike一名 對行山、露營有少許認識 Msr fans,極憎nh(世界第一) 為人暴躁,仇口多,方向感差,對攝影、電子科技係屬垃圾級別