政府露營場地「實名預訂營位」勢在必行?

戶外活動專頁 Ultra Heavy Team 極重豚 UHT 日前向漁護署查詢開放營地時間表，署方回覆未有重開營地時間表，不過佢哋收到風，話重開營地之後，部份營地會採取「實名預訂」措施，當中包括甚為熱門嘅荃錦營地。

事實上，漁護署署長梁肇輝於2020年4月27日立法會會議中透露，署方會將推出「實名預訂營位」措施，並話於2020年推行。不過去年年中因為疫情威脅，營地封閉，所以如果營地重開，推行「實名預訂營位」措施，睇怕勢在必行。

按照「實名預訂營位」去年署長於立法會嘅解釋，有關措施大概係咁:

• 營地要實名預約方可進入，估計類似康文署book場
• 會為境外旅客設上限，港人及境外人士各佔一半
• 有關措施只屬試驗性質，會在部份營地執行。外界估計將於荃錦營地先行

細節仍未公布

預訂營位可以杜絕濫用問題，亦可方便公眾計劃行程，唔怕去到營地先發現無位。不過，措施細節暫未公佈，唔少人都有擔憂:

• 所謂「實名預約」點樣執行? 係咪要喺營地安排保安員核對身份?
• 署方點樣打擊炒賣營位行為?
• 營地有無 walk in 名額? 要預早 book 營位，反而唔方便鍾意「臨時起義」嘅營友。
• book 咗營位又甩底嘅人，會唔會懲處機制?

「實名預訂營位」嘅措施出發點都係出方市民，只要署方肯認真執行，相信唔少營友都會大力支持。