[老hike都去camp] 露營知識分享新手常犯錯誤 (二)

由

2020-10-23

Fitz > 運動 Sports > 行山 Hiking > 露營 Camping > [老hike都去camp] 露營知識分享新手常犯錯誤 (二)

新一集睇吓大家又有無中鎗。

時間管理差

遲到都已經係小事，仲要全部野第二朝約齊人先買。

如果去熱門地方，搶唔到第一水船都已經無位，11點先入去，準備插針啦。

如果係X位就隨時行到天黑都未到，增加自己風險。

拜托，早一日準備好先去蒲啦。

Checklist 係一樣好好嘅工具，網上都好多唔同 format 嘅 checklist可以借用，但人人裝備都唔一樣，所以本老hike建議學整一張屬於自己的。通常老hike會由地下開始向上數。

如此類推咁數落去。咁就會整咗一張屬於自己嘅 list，按環境需要自由加減。

本老hike有一個習慣，永遠預期多一樣後備糧食。food bar 又好、杯麵又好、脱水飯都好。當自己餓時，可以不求人，有咩意外要留多日，都有糧食頂一頂先。

尤其是喺海邊，每到初一十五大潮時，總會有新手中招，其實天文台有潮汐預報睇，就知當日潮汐有幾高，就預計到水位上唔上到營位，有興趣可以另開 topic 解釋。

唔知係無手尾，定係懶嘅，打開哂個蚊帳，夜晚入咗幾隻蚊之後困獸鬥玩足一晚。記住關蚊帳，同時拉鍊要喺上位，太低有機會入蟻。

寫住咁多先，歡迎大家分享下新手時嘅柒事，等新入坑嘅都唔好再柒。