[老hike都去camp] 露營知識分享爐具

由

2020-12-31

Fitz > 運動 Sports > 行山 Hiking > 露營 Camping > [老hike都去camp] 露營知識分享爐具

上回講過燃料嘅特色，揀咗自己想用嘅燃料之後，再要揀該範疇嘅爐具了，

睇一個爐具好唔好，就要睇: 重量、火力、火力範圍、爐架大細、有無自設風擋、企唔企得穩、packing size、有無電子打火等。

而唔同嘅款式，有唔同嘅特色，主要分: 攻頂爐、酒精爐、氣化爐、gas爐、柴火爐、系統爐等

攻頂爐

固名思義，輕裝攻頂之用，直接安上高山氣罐上就用得。輕巧，收納細係佢特色，有部份仲有自設風檔，值得加分。

攻頂爐仲需要留意爐架大細同承重能力，太細，放唔到煲，太大，又放唔到杯等。但唔好睇少攻頂爐火力，大多都做到4分鐘可煲滾1公升水。有部份品牌更設有電子打火功能，但老hike 認為係多舊魚: 1. 好易壞; 2. 壞咗又拆唔到，令到個爐頭重咗大咗。乖乖用返火機之類。

不過要留意返，因為係靠高山氣罐企穩，所以使用地型要比較平坦。

輕如無物嘅爐頭，又靜又輕，火力未必比氣爐差。不過需要好多野去配合如: 風擋、爐架、滅火蓋等。

因為酒精爐其實只係一個容器，只要係靠燃燒酒精提供火力，又無壞嘅可能性，所以好多人DIY。另外選購酒精爐要留意返:

需注意返加燃料時要酒精爐完全冷卻後先可以refill，否則後果自負。

氣化爐，將燃料透過預熱/加壓等將燃料氣化。理論上可以用到柴油、煤油、白電油等多項燃料。氣化爐本身size 同重量都唔細，但換來強勁火力，燃料費平。

選購時唔止要留意上面嘅問題，仲要留意返嘈唔嘈，因為氣化爐係嘈到仆街，唔鍾意的話可配靜音頭。另外，操作方式同爐具設計都比較複雜，唔建議新手使用。

有分一體式定分體式，主要係睇支gas同爐頭係咪分開用，一般用分體式比較安全，又重心低，無咁易反煲。

而Gas爐有分用: 丁丙烷混合氣同卡式氣。

因為丁烷，輕身但火力低。丙烷火力大但重身。所以為咗達致高輸出而又唔太重，所以就出現咗混合氣罐，即係俗稱嘅高山氣。每個牌子混合嘅比例都唔同，混合丙烷越高，火力越好，但都會貴啲。

一般係丁烷黎，平過混合氣好多，不過因為卡式氣個罐身唔係設計喺野外用，所以穩定性同安全性會較高山氣低，如果海拔高地方，更加會失靈。

揀選好用咩 gas 之後，就同其餘幾隻一樣，睇睇重量、火力、火力範圍、爐架大細、有無自設風擋、企唔企得穩、packing size、有無電子打火等。

依個名可能好陌生，但一提到 MSR reactor 就知係咩。一種煲水最快、效率最好、最慳燃料嘅爐具。

爐頭係利用火力對個爐底嘅鰭加熱，而塊鰭本身係一個風擋，所以完全唔會俾環境影響到而浪費任何燃料。但都唔係無敵，因為只可以用返專用煲或 pan，唔係 trekking or 攻頂都比較少機會用得著。

太長，下集繼續。

爐頭始終都係危險野，絕對唔建議用淘寶或一啲無 QC 嘅牌子，始終係有爆炸嘅可能性，珍惜生命，請勿玩火。