利申: 對唔住,我知我好落伍,呢首歌hit咗大半年,我到而家先留意。多得大台撥火,令大家將注意力集中喺呢十幾個後生仔 (我知有幾個年過三十,不過比起42歲嘅同「後生仔」傾偈嘅叔叔都算年輕啲)。而我就留意呢位曾經被人話「乜水」嘅Jer柳應廷。

我諗好多人同我一樣,Mirror 同 Error 呢班後生仔畀到大家耳目一新嘅感覺。唔討論佢哋唱歌跳舞啱唔啱聽,剩係講MV嘅製作已經好認真。而Jer出道第二首個人作品《迴光物語》嘅MV,剩係個取景地點已經嚇親我。

呢個MV大部份嘅鏡頭都喺蓮麻坑礦洞拍攝。咁有幾巴閉? 好難去囉。

蓮麻坑有幾難去?

蓮麻坑位於新界北區,同其他熱門山徑唔同,呢度真係相當難去。

  • 蓮麻坑原本係邊境禁區,2009年開始開放,所以山徑設施唔太完善。大部份山路都係碎石、泥路。去 Google 地圖,呢一帶係無顯示路徑,空白一片。
蓮麻坑
蓮麻坑紅花嶺一帶,睇 Google 地圖係無路徑
  • 一般人由最近嘅車路禾徑山路進入,都要大概5公里路
  • 中途仲要越過北區高峰紅花嶺 (492米)
紅花嶺
紅花嶺
  • 睇新聞得知,拍攝時係七月仲夏,日頭三十幾度。

最黐線嘅係,拍 MV 並唔係去郊遊,有一大班工作員,當中有人無乜行山經驗 (例如陪同拍攝嘅 Anson Lo),仲要孭住大批器材。而主角 Jer 仲要著住幾件長袖衫,深入礦洞焗餐死。

如果唔係

  1. 有人話蓮麻坑唔難去,小妹唔係行山專家,我唔識,多謝大家指正。下次我寫嘢會再準確啲。
  2. 另外有人話可以問政府拎permit然後揸車入去,行都唔使行。小妹都係根據多份報章嘅報導,話成班crew行咗幾個鐘。(見Topick) 另外Mirror Facebook Page亦貼過Jer同Anson Lo喺中途行山嘅合照。

 


文章為作者意見,不代表Fitz立場。
歡迎投稿: http://fitz.hk/contribute/
首頁 > 運動 Sports > 行山 Hiking > Jer柳應廷《迴光物語》: 去蓮麻坑拍MV真係夠晒誠意!