「橫看成嶺側峰，遠近高低各不同」，喺香港行邊一個山都好，每個山遠望都好翠綠、好靚! 但當行到山徑入邊嘅時候，真係唔敢相信自己對眼，好多、好多垃圾!
作為 Green Runners 一份子，襯著復活節假去咗 綠惜地球 The Green Earth 搞嘅Plogging活動，咩喺 Plogging? 就喺瑞典近年好流行嘅環保跑，即喺一邊 Jogging (跑步) 一邊 Plucking (撿起)，咪以為好簡單，其實都真喺要「金睛火眼」!
Nomad Cook 浪廚 「綠惜」Plogging Vlog:
垃圾 = 膠樽、鋁罐、膠袋? 非也!
一開始分成2小隊，由黃石碼頭出發去到土瓜坪中間匯合點。因為沿途有唔少燒烤場，所以燒烤場入邊點都會有啲膠樽呀、汽水罐呀果啲……以為好似無咩垃圾咁! 點知我哋隊員發現，大量垃圾都被人「有意無意」咁掉左入去燒烤爐側邊啲叢林，行入去就好似發現「寶藏」咁，咩嘢都有：玻璃酒樽、大型水樽、膠袋、唔要嘅行山背囊，甚至乎拖鞋！真係愈執愈覺得心噏啊!
其實「自己垃圾，自己帶走」，既然可以揹去燒烤場，點解唔可以袋番走啲垃圾又或者將佢哋放入垃圾桶?
----- 廣告 Ad -----
要清理山徑叢林內的垃圾，一班義工無懼烈日猛曬。
半殘念 再接再勵
行到去土瓜坪，真喺要大叫一聲! 我哋見大量垃圾堆積紅樹林，而大部分都喺塑料垃圾嚟，垃圾長時間浸著海水，已經開始碎成細膠粒，再唔清理日後就更難處理。我哋盡能力咁清理，用盡九牛二虎之力去清除已經抓實左喺樹根同呢嘅垃圾! 而我哋仲喺附近叢林入邊有不少膠管、工業用嘅膠桶、電線、海綿等等，一個小時嘅過程已經有咁多垃圾，但都只喺好小部分，結果我哋放棄原本行程 (赤徑再返黃石碼頭)，先處理土瓜坪呢個紅樹林範圍，清理咗百幾公斤垃圾，結果逐部分再將呢堆垃圾，邊jog邊拎番黃石碼頭垃圾站/回收桶。今次行程唔可以完全 Plogging 到全段行程，唯有下次一齊同 Green Runers 再 Plogging!
去到土瓜坪紅樹林位置，眼見垃圾多到要改變策略及行程，每位都好落力清理。(圖: The Green Earth)
跑到行程一半就已經清理出呢堆垃圾
----- 廣告 Ad -----
回程前，我哋將垃圾分類。(圖: The Green Earth)
後記
完咗 Plogging 之後，再跟著去破邊洲，沿途都一直都見到唔少垃圾，最後都忍唔到手邊行邊執，期間發現附近一個小岸灘有唔少由海浪衝上嚟嘅垃圾! 如果香港每個郊區、山徑或者海灘等，都堆咗部分垃圾嘅話，其實加番埋一齊，已經喺好多! 到時後發現嘅時候，可能已經無咗咁靚嘅大自然環境已經太遲!
衝上岸嘅垃圾多到好誇張!
又喺短短一條路山路，已經執咗唔少膠樽、食物錫紙、發泡膠，雖然件事唔多好，但好開心嘅喺略盡綿力咁去保護番大自然，最後走果時，分別放番分類回收桶!
綠惜地球 The Green Earth Facebook專頁
Fitz 文章連結: https://fitz.hk/?p=90728
更多：
Fitz Facebook 專頁
[數不清的郊野垃圾] 黃金周遍地「黃金」
[郊野公園系列] 法例上沒有的「郊野公園禁忌」
[慶祝郊野公園40周年] 四個廣告，跨越40年
Fitz Hiking 行山
