Anton同Nina (右) 被成功救出
Anton 同 Nina 兩夫婦都鍾意戶外活動，呢一日佢哋揸車去俄羅斯東部 Banniye Springs 露營。不過佢哋部吉普車誤墮水坑，部車郁唔到。佢兩個喺車瞓咗一晚，第二日再徒步去旅客基地班救兵。
點知行咗一段路，佢哋發現有隻大熊人跟住佢哋。兩公婆同熊人玩「捉伊人」，追追走走，老公 Anto 更差啲被熊襲擊。糾纏之下，佢哋搵到棵樹爬上去躱避，不過身上裝滿糧食同食水嘅背囊就喺途中拋走咗。
俄羅斯東部嘅熊人
兩公婆以為上咗樹之後，熊人會自己走開，點知呢隻熊好好耐性，竟然喺樹下等咗兩日都唔走。佢哋兩公婆喺樹上無糧無水，又唔敢有大動作，體力消耗極大。兩日之後，佢哋頂唔住，靜靜雞衝向河邊飲水。而呢個時候，熊人又再展開襲擊，好彩佢哋走得甩，爬番上樹匿埋。
----- 廣告 Ad -----
Anton 同 Nina 喺樹上再過多兩日，已經唔可以再支持落去。佢哋以樹過樹嘅方法，慢慢爬番部車，匿埋喺車靠車上食水過活。
吉普車跌落水坑
幾日之後，終於遇到其他遊客嘅吉普車經過，救番佢哋一命。Anton 同 Nina 被困森林足足有11日，其中有10日無嘢食，身體異常虛脫，好在接受治療後已經無事返屋企。
據報呢一帶總共有23,000隻野熊，係俄羅斯境內最大嘅食肉動物族群。
資料: The Sun
朱溫
生於亂世，有種責任。這個責任就是做好自己，感染別人。鍛練好身體，才能裝備自己，迎接亂世。