[實地視察] 城門乾塘 白千層濕地變草地

整個五月，香港受到酷熱天氣煎熬，前一排已有不少傳媒報導，流水響水塘已經無晒流水，剩番龜裂嘅沙土。而水務署公佈嘅水塘存水量，5月28日更跌至60%，比舊年同期少一成。

圖: 水務署網站 (按圖放大)

早前路經城門水塘，就見證到呢個乾旱景象。城門水塘存水量雖然有56%，未算最恐佈 (大潭上水塘 30%、香港仔下水塘 26%、下城門更只得12%)，不過都可以輕鬆行落水塘底，感受到一股置身沙漠嘅感覺。

主壩出發，已見到水塘水位極底。睇下柱上嘅水線足足底咗有幾十呎。

沿衛徑七段繞水塘而行，可以輕鬆進入水塘底部，有啲似當年去新疆火焰山嘅情況。

----- 廣告 Ad -----

原本放喺水塘底嘅捕魚籠，當然咩魚都捉唔到。

呢條溪澗，原本有唔少晨運客聚集休息，不過溪澗已經無水，人都無晒。

去到原本有「水浸百千層」靚景嘅地方，景象雖然都靚，不過個feel唔同晒。原本水浸嘅地方，竟已變為草地。

留意百千層樹樹幹嘅根，係用嚟吸水。即係話，原本水位有成兩呎高。

注意: 水塘底部泥土鬆軟，易生意外，必須注意安全。

Fitz 連結: https://fitz.hk/?p=41259