大熱天時行山，講降溫，講涼快，點都唔及有支冰凍嘅水。不過許林唔係7仔，唔會有間喺左近，所以冰水就一定係自己帶。
做法
1. 拎個空樽，入八成食水；
2. 放入雪櫃一晚
3. 第二朝起行前拎出，再以毛巾包實水樽
注意
1. 記得唔好將空樽入滿水，否則嘅話水變冰會逼爆膠樽
2. 就算用毛巾包住水樽，都會有倒汗水。一係將冰水樽放喺背囊放水袋嘅地方，一係將背囊唔濕得嘅嘢包膠
3. 盡量將冰水樽放喺貼背嘅位置，就可以一路行山，一都嘆冷氣
4. 咪Seafood痕去整寶礦力冰、可樂冰，支冰水嘅用途唔單只飲，仲可以用嚟濕面濕頸濕毛巾降溫，你都唔想成面都係寶礦力啩。
5. 去到山頭，成支嘢仲係冰未飲得？倒少少室溫水入去，搖兩搖咪搞掂囉
一支冰水可以捱幾耐先變熱水? 我就試過由馬鞍山出發，由北潭凹行麥徑三段，去到雞公山腳仲嘆到冰水。飲住冰水上雞公山，戰鬥力當然倍增。
雞公山400米都唔夠，不過千祈唔好睇小佢，佢又斜又焗，絕對係麥徑最難行嘅山嘅前三位。
更多：
Fitz Facebook 專頁
水多人不怪? 行山帶水有學問
山雞其他文章
Fitz Hiking 行山
山雞
十歲登上魔鬼山，二十歲游走大帽大東鳳凰釣魚翁大刀屻。志願有二：生個仔要叫阿山；登上喜馬拉雅山，掛上真普選直幡。