Fitz > 運動 Sports > 奧運 Olympic > 中國大學生「原創短片迎冬奧」,疑抄襲東京奧運開幕禮急下架

北京冬奧開幕在即,民間都有唔少應援活動,製造聲勢。位於北京嘅中國傳媒大學,1月25日喺官方微博發佈一條短片,叫做「原創短片迎冬奧」,係由大學嘅「戲劇影視學院2021級音樂劇雙學位班全體同學」演出。不過短片播出後,唔少人認為抄襲東京奧運開幕禮其中環節。之後有份演出同製作嘅學生喺網絡表示,佢哋確實從東京奧運得到靈感,但同時短片概念係得到北京冬奧組委會同意。最後擾攘一輪後,當局將短片下架。

短片

東京奧運開幕禮

雖然而家唔可以喺官方微博睇到條片,不過網絡世界乜都有人cap。日本電視台TBS就喺新聞報道談及呢條短片。(1:32開始睇)

日本電視台評述: 「雖然短片話係『原創』,不過好容易令人聯想到剛剛結束嘅東京奧運。真係令人遺憾。」

大家又覺得有無抄襲呢?