大陸失去第一面乒乓金牌

大陸於東京奧運各個項目接連失利。曾揚言全取乒乓球金牌,結果第一項混雙賽事已將金牌拱手相讓予日本; 女子排球隊輸完畀土耳其又輸畀美國,一局都贏唔到; 「射擊女神」王璐瑤出局後,又有男子雙人跳水輸畀英國選手。更令大陸國民失望嘅,就係女子足球三場賽事2負1和失17球出局要提早回國。

壞消息一浪接一浪,唔少大陸網民都忍唔住心中悲痛,於社交平台發帖攻擊運動員,有啲仲採取批鬥態度,引來國際媒體關注。輸咗比賽嘅運動員,就第一時間向公眾道歉。

由於情況每況愈下,官方恐怕民眾失控,終於出手去遏止呢股批鬥風潮。

輸比賽嘅運動員,第一時間道個歉先。

中紀委

旗下報章《中國紀檢監察報》發表文章,表示「對於衝擊金牌而未能如願的中國選手,我們應少一些苛責,多幾分理解。摘金了不起,爭銀奪銅一樣值得點讚。」

央視網評

選手沒有必要道歉!能站在奧運會賽場,你們已經是各自項目的佼佼者!……你已經是中國的驕傲了。

「不是只有拿了金牌才是英雄,每一位為奧運軍團打拼的都是英雄!」

女排連輸兩場

新華社

旗下微信公眾號《半月談》:「金牌從來都不是唯一目的,奮力拚搏才是奧運會,才是體育運動真正的底色。」

中國女足慘吞巴西5蛋

憑官方媒體官方機構不斷吹奏,係咪可以平息大陸民眾嘅不滿聲音呢? 關鍵似乎係留喺日本嘅奧運選手,可唔可以藉住比賽成績扳回大陸民眾嘅支持。

資料: 中國時報


文章為作者意見,不代表Fitz立場。
歡迎投稿: http://fitz.hk/contribute/
首頁 > 運動 Sports > 奧運 Olympic > 東京奧運.中國運動員失利網民出力批鬥,官媒發聲控制局面