上面呢張相,係中國女子田徑接力隊攝於2018年5月橫濱世界接力賽,佢哋最後名列12位,無緣晉級。成績雖然唔算出眾,但呢張圖廣為流傳,被網民戲謔話佢哋係女扮男裝。

事實上,包括國際田徑聯會在內嘅國際體育組織,多年來都對運動員性別問題定下嚴格規定,而最有效方法,就係檢驗運動員嘅睪丸酮 (Testosterone,又稱為雄性激素)。

男性運動員比起女性更有力量、速度、耐力嘅原因,全因睪酮可提升人類體能,所以藉著檢測運動員嘅睪丸酮,可以防止運動員出術,而又唔會侵犯私隱。

據國際奧委會 (IOC) 2015年公布嘅參賽指引,佢哋接受跨性別人士參賽,但必須定時檢測,以確定身體睪丸酮唔會超過規定。此外,對於雄性激素過多症 (hyperandrogenism) 嘅女性患者,國際奧委會藥物委員會,亦會檢測佢哋嘅雄性激素水平低於男性,先可以參加女性競賽。

多年以來,有4位頂級女性運動員因為睪丸酮水平太高,而引發爭議。

南非 Caster Semenya

Caster Semenya 曾經贏得兩屆奧運800米金牌,但於2018年,由於世界田聯嘅新規定,佢嘅睪丸酮水平太高,被禁止參加400米至1500米嘅項目。不過 Caster Semenya 拒辯,話服藥控制睪酮會令佢有「生病嘅感覺」。

鬥爭幾年後,Caster 唯有參加200米選拔賽,不過佢達唔到標準參加東京奧運。

肯雅 Margaret Wambui

800米奧運銅牌得主 Margaret Wambui,由於睪丸酮水平太高,被要求控制睪酮,否則禁止佢參賽。Margaret 話自己屬於「雙性人」,雖有女兒身但有男性體魄。佢要求奧委會增設第三性別,同時拒絕參加東京奧運。

布隆迪 Francine Niyonsaba

生於東非小國布隆迪嘅800米跑手 Francine Niyonsaba,佢亦受2018年國際田聯新規定,無得參加800米賽事。最後佢苦練長跑,成功參加東京奧運5,000米項目。

尼日利亞 Aminatou Seyni

Aminatou Seyni 曾經係400米世界排名第五跑手,2019年被禁止參加400米賽事,之後重新振作,於東京奧運參加200米跑。

運動場上,都係留意運動員嘅表現啦。

資料: 泛科學Insider


文章為作者意見,不代表Fitz立場。
歡迎投稿: http://fitz.hk/contribute/
首頁 > 運動 Sports > 奧運 Olympic > 東京奧運.男扮女參加奧運? 官方檢測睪丸酮防出術