Fitz > 運動 Sports > 奧運 Olympic > [Fitz中國組] 大陸網民「批鬥」奧運選手惹國際關注
伍家朗

本港政客「文革式批鬥」伍家朗嘅黑色戰衣,惹來唔少人反感。其實呢種「批鬥式」攻擊喺大陸網絡十分流行,亦引來國際關注。《紐約時報中文版》將現象形容為「民族主義攻擊」,唔少代表中國嘅奧運選手都被搞到一身蟻。

著Nike唔得

本屆奧運「第一金」射擊選手楊倩,拎咗金牌後被大陸網民挖出,去年12月喺微博貼出大量 Nike 收藏品,遭受大批網民攻擊,話佢無杯葛 Nike,是為不忠不義。結果楊倩迅速將帖子刪除,民怨姑且平息。

楊倩

想hea下唔得

另一位中國射擊選手王璐瑤,因為未能晉級被網民冷嘲熱諷。佢心情低落,發帖道歉,並話「我承認我慫了,三年後再見吧。」

「慫」係大陸網絡潮語,指軟弱無能。結果網民指佢唔上進,話國家畀機會都唔珍惜,最後王璐瑤刪帖。

身形肥胖唔得

王大鵬

射擊項目台灣大勝中國5:1,賽後竟然有大陸網民遷怒選手王大鵬,怪佢只射得7分同8分 (10分滿分),仲發表人身攻擊:「死胖子」、「人醜活差」。

其實王大鵬喺國內國外比賽,包括全運會、世錦賽,唔係拎冠軍就係亞軍,實力一啲都唔弱。

體育比賽絕對唔應該只有勝負,運動員喺呢種壓力之下比賽,其實又點有好成績?

資料: 紐約時報中文版自由時報