距離雖然短,不過參加者同主辦單位都好認真,仲有警車開路。

講究「正名」嘅跑友,好多都執著於「馬拉松」比賽,一定要有42.195公里 (26英哩),其他距離就唔可以叫馬拉松比賽。所以,時下嗰啲「10公里馬拉松」、「5公里迷你馬」、「2公里親子馬拉松」,好多人都不以為然,覺得需要正名。

而美國呢場「迷你馬拉松」比賽 (Micro Marathon),唔知大家又點睇呢?

呢項 Micro Marathon 位於美國華盛頓州嘅胡士托 (Woodstock)。比賽全長只有0.26英哩,相等於418.4294米,如果喺田徑場衝外圈,真係一個圈都唔夠。活動圍繞一個市區廣場而跑。參加者除咗「跑」之外,亦可以去到廣場市集買下嘢,食下嘢,一家大細開心下。

不過,其實大家唔使太介懷,因為呢個活動係慈善性質,做善事嘅嘢,大家唔係唔支持呀嘛?!

賽道仲有補給站,不過大家食補給嘅時間,可能仲耐跑步。
大會話呢項活動係想鼓勵更多人投入運動,不過呢位先生就enjoy休息多啲。

資料來源: Northwest Herald


Fitz 連結: https://fitz.hk/?p=98832

更多:
Fitz Facebook 專頁
香港長跑行山比賽時間表
Fitz Running 跑步

廣告
張伯倫
自細肥仔一名,後來因發現患有脂肪肝,決心多做運動注重健康,曾參加並完成毅行者,關注所有健康資訊。