圖: Getty Images for IAAF

上周五展開的世界田徑錦標賽,於中東卡塔爾首都多哈 (Doha) 舉行。這裏日間天氣酷熱,濕度高,運動員需在惡劣環境下作賽。馬拉松項目更要改時間於凌晨起步,其中影響最大就是女子馬拉松項目,68位跑手起步,最終有28位跑手DNF,中途退出率達41%。

賽後世界各地傳媒都有報道,指這場比賽弄得天怒人怨。其中英國《鏡報》特約田徑記者 Alex Spink 更引述某跑手評論,指比賽「猶如在地獄中進行」。

意大利 Giovanna Epis 中途倒地,需要急救。圖: ALI HAIDER/EPA-EFE/REX

記者 Alex 更追訪有名有姓的跑手,要她們分享比賽時的狀況。

女子馬拉松第五名,白俄羅斯跑手 Volha Mazuronak 說:

「比賽時濕度高達70%,咁嘅濕度會令你透不過氣,你唔知可以頂到幾耐。不過我哋辛苦都係其次,最討厭就係決定如期比賽嗰班坐喺冷氣嘅人。」

Volha Mazuronak 雖然完賽,在過終點後虛脫。圖: Getty Images for IAAF


跑第9名的加拿大選手 Lyndsay Tessie 說:

「你一路跑,一路見到有人不支倒地。嗰陣你會諗,究竟自己會喺500米之後跌低,定係1公里之後呢? 最後你會慶幸自己可以去到終點都未跌低。」

埃塞俄比亞主教練 Haji Adillo Roba 也向傳媒表示,隊中三位跑手都要中途退出,當中包括了東京馬拉松冠軍 Ruti Aga。Roba 說:「喺我哋國家,係永遠都唔會喺呢種環境之下跑馬拉松!」

事實上,當晚不少頂尖選不支倒地:

  • 烏干達 Linet Chebet 倒地後,即時由救護車送往醫院急救
  • 意大利 Sara Dossena 坐上輪椅離開跑道
  • 英國 Charlotte Purdue 中途退賽
  • 芬蘭 Anne-Mari Hyrylainen 坐上輪椅離場
Anne-Mari Hyrylainen 圖: ALI HAIDER/EPA-EFE/REX

不少跑手已將賽事形容為災難、地獄、慘劇,看來 IAAF 需要更多跟進工作,才可平息大家的怒氣。2022年足球世界杯將會在多哈舉行,到時情況如何真的難以樂觀。

運動員的怒氣比疲勞更難平息。圖: ALI HAIDER/EPA-EFE/REX

資料: 英國《鏡報

Fitz連結: https://fitz.hk/?p=126066

其他文章:

廣告
張伯倫
自細肥仔一名,後來因發現患有脂肪肝,決心多做運動注重健康,曾參加並完成毅行者,關注所有健康資訊。