李一鵬 (右)

中國反興奮劑中心1月7日公佈,有「上海業餘一哥」之稱嘅李一鵬,被驗出喺2018年淮南馬拉松中使用違禁藥物促紅素 (EPO),將被褫奪亞軍成績。

李一鵬喺國內跑界享負盛名,全馬最佳時間係上海馬拉松2018嘅2小時26分05秒,而喺芝加哥馬拉松2017,佢喺1500名中國跑手中成績最快。而李一鵬所屬嘅業餘跑會「野蠻部落」,同時大受歡迎。據講要入團一啲都唔易,男會員要全馬sub-3,女會員要有sub-330嘅成績。

為巨大利益鋌而走險

李一鵬並唔係第一位服食禁藥嘅業餘跑手。2018年7月,反興奮劑中心公佈多宗違規個案,當中包括「顏值女王」李文杰及另一位業餘跑手侯艷民。2018年,總共有5位業餘馬拉松跑手,因服食禁藥而被處分,當中有一位更是未成年。

李文杰

或者有人會問,稱得上業餘,跑步只為興趣,食禁藥?

其實,內地跑界近年發展蓬勃,每年多達1000場比賽,主辦單位為催谷報名人數,好多時會聘請「跑界KOL」出戰。這些KOL除了贏得獎金,亦可賺取出場費。有傳李文杰每場比賽可賺取高達數萬收益,一年可賺幾十萬。為咗利益,為咗金錢,這些業餘跑手不惜鋌而走險。

越野賽制度不完善


近年,中國越野賽跑手開始揚威國際,例如 UTMB2018的CCC,祈敏、姚妙分別成為男女子亞軍及冠軍。《南華早報》Mark Agnew 早前就喺專欄撰文,指西方有唔少聲音懷疑,這些國內跑手有否違例服食禁藥出賽。

正如呢篇文章標題所講,喺無證據之下,UTMB賽會唔會假定任何有人有違規行為。不過 Mark 亦提出,現今國際越野跑賽事,仍未有如國際田聯IAAF一套行之有效嘅賽事制度,藥檢制度喺越野賽亦唔常見。喺呢個情況下,唔單止中國,其他國家有心出術跑手,一樣有機可乘。

隨住越野跑風氣越吹越盛,睇嚟推行藥檢制度,只係時間問題。

資料來源: 南華早報騰訊體育

Fitz連結: https://fitz.hk/?p=112509


更多:
Fitz Facebook專頁
[中國田協紅頭文件2019] 官方比賽認證 有助減少混亂?
[跑步猝死] HCM防不勝防 比賽出事避無可避?
[箱根驛傳2019] 跑鞋統計 Nike Vaporfly 4%完勝
Fitz Running 跑步

廣告
張伯倫
自細肥仔一名,後來因發現患有脂肪肝,決心多做運動注重健康,曾參加並完成毅行者,關注所有健康資訊。