全球多國因為對抗病毒實施「禁足令」，唔少人被逼留喺屋企。美國有人就舉行 Quarantine Backyard Ultra (隔離中的後花園超馬)，希望全世界可以一齊做運動，強身健體抗疫。賽事最大嘅獎項，就係一圈黃金色嘅廁紙。
比賽規則好簡單，參加者同一時間起步，各自直播跑步情況，以6.7公里為一個圈。邊個跑唔掂就宣告放棄中斷直播，剩低最後一位嘅跑手就係冠軍!
賽事吸引多個歐美國家共2000人參加，有人喺跑步機跑步，有人喺冰湖上跑，有人喺桑拿房跑，又有人喺酒吧圍住吧枱跑。
----- 廣告 Ad -----
結果美國超馬跑手 Michael Wardian 用咗63小時跑咗422公里 (262.52英里) 完賽，佢係喺屋企出面嘅小路兜圈，期間得到唔少街坊支持。有街坊話，佢哋都好開心有個世界冠軍住喺隔離屋。
而 Michael 最勁嘅地方，除咗跑得快跑得長，仲係63個鐘未瞓過覺!
Michael Wardian
資料: WJLA
----- 廣告 Ad -----
張伯倫
自細肥仔一名，後來因發現患有脂肪肝，決心多做運動注重健康，曾參加並完成毅行者，關注所有健康資訊。
