[名古屋女子馬拉松] 我的初馬 1042.195 km ,呢組數字其實好簡單,但對只有半馬經驗的堅媽來說就係好辛苦嘅事 。

名古屋女子馬拉松只限女生參加,完賽又可有燕美服帥哥頒獎,正呀! 最重要係可以全女班去旅行哦,諗起都開心之下就柴娃娃報名學人去跑囉。

練習:
從未跑過咁長嘅堅媽,唯有乖乖咁 5km, 7km, 10km, 20km咁,之後就再加小小咁囉 , 什麼長課,Interval 亦隔星期練習,絕不膽粗粗架! 😂

受傷 :
23Jan 逃避不了嘅事終於來,腳眼條筋腫了出來。每星期由屋企映灣園起步至深屈村來回20km山路,是魔鬼先生指定要我跑的長課路線,山路對堅媽係超順的, 2小時20分內一定可完成,但一回到平路就出事了。

事緣當天堅媽心諗還有體力喎,便想走個 30km長課,看看能否完成。由於平路導致什麼都放鬆,唉!咁就出事了,因分心八卦,被路面凸起之塼塊弄至坳柴腳眼腫了,敷冰亦無補於是下,唯有乖乖養傷全面停止練習囉!

[名古屋女子馬拉松] 我的初馬 9上線:
13Mar 今天我嘅初馬終於要上線啦,腳踏場地已興奮到失控,因之前傷過,明白要好好珍惜對腳,深深體會傷過嘅感受 ! 心情真唔知講咩好😂

頭 2km
因魔鬼先生嚴厲提醒起跑前熱身不足,只可用慢跑代替熱身,不可死衝!記住記住。😂 去到 5km 就發力上,看看自己能力,如不成功就保持均速,不要亂來。

10~20km
心情keep 住興奮跑,左右路旁都有打氣者,氣氛一流,不斷聽到(干爸爹,干爸爹), 原本跟我妹妹一起跑的,怎知自己快咗聽不到她叫,事後她說在這時身體開始不適, 有嘔有暈出現,而最幸運是她在醫生陪跑一段路後事,還可在滿意成績下完成。

20~30km
弊了,跑到肚餓喎 ,眼見大會有提供食物,當然第一時間衝去啦,怎知越食超餓,連路旁市民的補給食物亦不放過。😂

30~40 km
一個字~ (挨) 住跑 ,但個腦海無端端回帶到2015年嘅毅行者最後環塘路段,各師兄師姐都話這段是最悶又行到瞓嘅,但我隊反而在這段路最快,開 6分跑住去,其他參賽者亦大叫,這隊人傻的嗎?? 人人都行了80 幾 90k里路啦,點解重咁快跑住去,就是出竅諗諗下時對腳都變咗摩打腳特然快咗囉。(噢 Sorry ,太唔尊重呢個賽事啦,個魂魄攰到飛走咗添😂)

[名古屋女子馬拉松] 我的初馬 7終點
最後 500米 衝線啦

雖然身軀無哂力,但點都要提醒自己要留口氣最後500米用架,一定要靚靚女咁,不要面容扭曲,又要留意相機位置,又要笑住咁跑過終點呀! ✌

[名古屋女子馬拉松] 我的初馬 11

[名古屋女子馬拉松] 我的初馬_08

更多:
Fitz.hk Facebook專頁
[名古屋女子馬拉松] 賽前輕鬆跑玩名古屋 (跑站. 建議路線. 景點. 美食大集合)
[樂善盃2015] 符符轆轆完咗囉
Fitz Running 跑步


文章為作者意見,不代表Fitz立場。

歡迎投稿: http://fitz.hk/contribute/

廣告