仁壽半程馬拉松

中國長跑賽事4月開始全面復甦,大家似乎已經忘卻疫情威脅,比賽人數回復正常外,連選手出術行為亦回復常態。

四川省眉州「仁壽半程馬拉松」於4月5日舉行,比賽之後兩日,大會公佈共有75人違規,被大會取消資格。違規事項包括走捷徑、代跑,以及乘坐公共交通工具等。據報道,好多違規選手並非一般平民百姓,當中有唔少係A區起步嘅快腳。

仁壽半程馬拉松

中國長跑賽事選手作弊成風

近年,唔少大陸嘅長跑比賽都被指管理不善,縱容選手出術,所以主辦大會不時會懲治違規選手,以求殺一儆百。不過,今次一口氣捉拿75名出術者,情況甚為罕見,睇怕呢場比賽嘅違規情況真係好嚴重。而呢個消息,更加蓋過冠軍選手差10秒打破全國紀錄嘅新聞。

至於最大規模嘅違規賽事,首推2018年深圳南山半馬,當年 CCTV 影住大批選手跑捷徑直通對面賽道,事後共有258人被罰,可謂近年經典賽事。

資料: 新浪網


文章為作者意見,不代表Fitz立場。
歡迎投稿: http://fitz.hk/contribute/
首頁 > 運動 Sports > 跑步 Running > 四川半馬拉松 75名選手被揭作弊取消資格