上周末美國伊利諾伊州舉行的 Quad Cities Marathon,為當地最大型馬拉松之一。兩位肯雅選手賽前被視為比賽大熱門,他們亦全程領放,臨衝線前叮噹馬頭,難分高下。

不過進入最後路段時,大會領航單車行錯路,兩大熱門被誤領離開賽道,雙雙失卻衝線機會。第三名選手 Tyler Pence 就乘虛而入,以 2:15:06 衝線,爆冷奪得冠軍。

Tyler Pence 今次冷手獲得3000美元獎金 (約23,000港幣),而這個時間,亦是該賽道歷來第三最好成績,亦係 Tyler 個人最佳時間 PB。

帶錯路的單車義工,賽後向兩名肯雅選手道歉,但賽事總監強調沿路有充足指示牌,而比賽前一日亦與選手開會,詳細解釋賽道情況,所以選手跑錯路並非義工責任。不過,就算有足夠告示牌,落到場千鈞一發,頭腦真係會咁清醒咩?

資料: KMTV

首頁 > 運動 Sports > 跑步 Running > 大會義工帶錯路,美國選手爆冷跑贏肯雅人