Fitz > 運動 Sports > 跑步 Running > 大迫傑復出跑5000米 13:30.23完成

去年東京奧運後退役嘅日本馬拉松紀錄保持者大迫傑,今年2月宣佈復出。第一場比賽,大迫傑並唔係參加馬拉松,而係喺橫濱市舉行嘅日本體育大學長距離競技會5000米項目。大迫傑雖然前段稍微落後,但於最後3000米強力加速超越對手,以13:30.23衝線位列第八,不過與其保持的5000米日本紀錄 13:08.40,仍相去甚遠。

賽後,啱啱踏入31歲嘅大迫傑話,呢次佢雖然參加田徑賽,但仍會專注於馬拉松。

退休半年復出

去年大迫傑話,東京奧運馬拉松將會係佢最後一場比賽。不過半年後,今年2月公開表示自己仍然好享受跑步,會重新投入比賽,並以2024巴黎奧運同2028洛杉磯奧運為目標。

大迫傑轉軑,其中一個原因係睇到 Galen Rupp 去年取得芝加哥馬拉松亞軍。Galen 跑到35歲仍然有此成就,令大迫傑覺得自己仲可以跑得更遠。

大迫傑仲未透露佢嘅訓練計劃,亦未知會唔會重返 NN Running Team。

資料: 読売新聞


⮑ YAS BYKE 踩車保 保障全港所有單車可行走的公路,任何想踩車的地點都可受到保障,覆蓋更加全面! 作為 YAS 的合作夥伴,Fitz 讀者可享有限時1次 BYKE Pro 完整體驗! 把握機會為自己加添一份更全面的保障! 了解更多 BYKE Pro 詳情,請瀏覽此