加拿大哈里法克斯 Halifax 舉行嘅馬拉松比賽，發生疑似「暴亂」! 放心，催淚彈就無放，有人因為一隻狗，衝入賽道追住跑手嚟踢。
呢場比賽叫 Blue Nose Marathon，比賽分全馬、半馬、10公里及5公里。當全馬比賽時，喺一個叫 Point Pleasant Park 嘅地方，有隻狗衝入人堆之中，畀跑手踢咗幾下。狗主當堂大發雷霆，衝埋入賽道，追返住啲跑手嚟打。
Point Pleasant Park
----- 廣告 Ad -----
事後警察向傳媒透露，其中有位跑手畀呢個狗主踢中肚腩跌低，好彩當時有兩個路人幫手勸阻，跑手先可以繼續參賽。
傳媒訪問當地居民，表示呢個公園平常有好多人跑步，亦有好多人放狗，間中都會聽到跑步人士同放狗人士有口角衝突。
警方話會調查事件，唔排除會拘捕襲擊人士。
Fitz連結: https://fitz.hk/?p=121466
張伯倫
自細肥仔一名，後來因發現患有脂肪肝，決心多做運動注重健康，曾參加並完成毅行者，關注所有健康資訊。