美國密芝根州少女 Cecelia,喺佢訂下目標,要喺佢16歲生日由10公里轉跑半馬。上星期 Cecelia 同佢爸爸 Joe,滿心歡喜參加當地一場半馬比賽慶生。不過,佢兩父女跑咗5.7公里,賽道忽然殺出咗一隻鹿仔,仲衝向比賽選手。

賽道上嘅跑手當堂鳥獸散,不過小鹿竟然衝向 Cecelia,爸爸立即一手佢囡囡推開,但 Cecelia 仍然畀小鹿撞傷大脾。

Cecelia 大脾被鹿撞到有一大片瘀痕,但都捱痛跑返終點。最有趣係,傷口仲留有鹿角嘅痕跡,而呢張相仲俾網民瘋傳。


事後, Cecelia 話會繼續參加比賽,仲要喺18歲完成佢嘅初馬。

資料來源: Michigan Live

Fitz連結: https://fitz.hk/?p=120882

廣告
張伯倫
自細肥仔一名,後來因發現患有脂肪肝,決心多做運動注重健康,曾參加並完成毅行者,關注所有健康資訊。