Fitz > 運動 Sports > 跑步 Running > 我的小小堅持42.195—銀馬後編‏

銀馬後編1先簡單介紹下銀馬賽道。
由氹仔奧林匹克運動場出發,途徑西灣大橋、西灣湖、媽閣及新澳門大學。

需要注意的是全馬賽道與半馬賽道有部份係重疊及重複的,所以”盲中中”、”洽眼訓”同”大近視”跑手就最好帶備領跑員了,過去就曾經發生過”迷之2.5公里”和”消失的跑手”事件(人地吹水聽返來的),跑多左跑少左就唔好啦。

比賽路線,1橋2隧(即西灣橋來回一次,隧道來回兩次)

比賽當日我同A及友人U一同出發,時間預得有點緊迫,當去到寄存行李處門口時剛好05:45(大會最後儲物時間05:45)。
點知後面突然傳來一聲疾呼!!(我相信此人內功必定深厚!)
高人說道”鎖門!鎖門!LOCK!LOCK!唔好比人再入黎!”
外藉保安哥哥當然只能乖乖照做啦。
就係咁,我好有理由懷疑猜測可能相信當日有部份人係寄存唔到行李的……

我明白守時的重要性,我亦唔敢講佢唔啱,不過如果可以通融小小就最好啦,大家都係過來參與一下支持一下比賽,唔洗做到咁絕吧。銀馬後編2左邊為迷馬通道右邊為半馬及全馬通道銀馬後編3全馬起跑區,當日都唔少人的

6點準時起跑,同時亦見証左氣象局的準確性,落雨……。基本頭幾公里都係落住雨跑的,由其係上橋個時特別大,好彩一路都著住雨衣YEAH!
心裡暗暗自喜時,突然FEEL到有人拍我膊頭!? Why??

可能性1. 有鬼?!咪玩啦,咁多人。
可能性2. 友人A追到上來?!都無可能,大家配速不一樣。
可能性3. 唔通….唔通有人想搭訕我?

唔理,轉頭望下先!

唔認識的!

女仔黎嫁喎!

答案唔會錯一定係3!!

女:”唔該!”
我:”有咩幫到你?”(招牌笑容)
女:”可唔可以比件雨衣我呀?”(佢指一指我腰間另一件雨衣,怕凍今次帶多左件)
我:”啊”(keep到招牌笑容)
女:”唔該!”

我地都係講返跑步吧……T-T

賽道重複要特別小心係有唔好,但原來亦有佢的好處,就係有機會同世界級跑手并排較量!

世界級跑手起跑在最前係常識,而且槍聲響起你仲出緊運動場時人地已經無左影了!

不過!當跑到澳門大學落隧道時約21k時,某某世界級跑手已經跑緊第二圈了!而且仲有幸比世界級跑手扒頭,一睹世界級速度……..即係好快囉!

較量就唔好啦,都係跑埋一邊唔好阻人攞獎啦

銀馬仲有一樣野好就係終點的補給,基本就係任食任飲,蕉呀朱古力運動飲品同水基本上係無限續杯的!真正吃到飽!

銀馬後編4
完賽獎牌
銀馬後編5
完賽毛巾

前編有提及到今次銀馬想sub4,
不過好可惜今次30k撞牆了未能如愿……
不過都總算PB左,總算有個交代
看來要再加強訓練先得了

更多:
Fitz.hk Facebook專頁
我的小小堅持42.195—銀馬前編
[澳門馬拉松] 孤身走我路
Fitz Running 跑步


文章為作者意見,不代表Fitz立場。