英國耐力運動員 Fergus Crawley,行山、跑步、游水、健身瓣瓣掂。2018年佢以總重量 460,000公斤 + 7666次,創下24小時深蹲健力士紀錄。疫情之下佢如常訓練,呢次佢更加挑戰高難度,計劃24小時內做到三個sub-5成績。

深蹲 501磅

Fergus 呢次深蹲挑戰性極大,要舉起501磅,相當於3個成人大肥佬。結果佢喺多次練習之後,就一次達標,舉起超過500磅重量。

1英里跑 4分58秒

Fergus 平均用咗72秒跑呢4個圈,過程十分流暢,直到最後5米,佢體力不支跌倒,好彩都成功 sub-5,喺5分鐘之內完成一英里 (大約1.6公里)。

42.195公里 馬拉松 4小時47分

原本 Fergus 打算用5個鐘完成50公里,不過佢開始呢項挑戰之後,發覺力不從心改變計劃,以全馬42.195公里為目標。 結果,Fergus 雖然跑得好辛苦,但仍以然4:47完成挑戰。

跑完之後,Fergus 話自己雙腳唔郁得,身體多處抽筋,第二日瞓醒,仲覺得自己好似被巴士撞散一樣。

事實上,呢項24小時內嘅挑戰,需要運動員動用三個不同能量系統,未經過長期訓練,真係唔好立亂試。

資料: Running Magazine

張伯倫
自細肥仔一名,後來因發現患有脂肪肝,決心多做運動注重健康,曾參加並完成毅行者,關注所有健康資訊。