Photo Credit: 有哥 (當日熱到爆……中天文台伏!)

對於一些凡人 like me,平時玩比賽基本上都無乜機會攞獎。每次比賽完,最開心除左一D紀念品,比賽 Tee 同埋做到自己理想嘅成績外,其實最享受嘅莫過於可以影到一張靚相。

好多比賽攝影師大多數都是為了興趣,他/她們無私的付出汗水和時間,幫跑手於比賽時留下最美好的一刻,真的十分感激他/她們。

圖: 大師~ 有哥,平時幫我地影咁多相,終於有機會幫你影番。

而剛剛過去的 Lantau Base Camp 的 Ladies Run/Hike,由於只限女子參加,男仔無得玩就唯有支持下女友,所以最後決定去做攝影師體驗一下。最後,有一個感受 ~ 影相仲累過自已比賽。

比賽前,已跟女友試過路,大致都諗定兩個靚位(起步後約5km 及終點前3km)。當天比賽比平時自己玩仲要早出發,起步前20分鐘,跟女友拍照幾張就趕著離開,因為怕慢慢行會比女子最快的趕過,結果最後用番平時自己操山嘅速度跑去5km位,但平時輕裝上陣當然無問題。但當日大背囊加相機,結果跑到身水身汗 (當日天文台號稱14度…..中伏了)。

Photo Credit: 有哥

搵到個靚位後,坐定定約6-8分鐘後,第一個跑手就到了。影左一個鐘左右,再馬不停蹄跑去最後3km位置 ~ 累死,當時正正大約11-12點,烈日當空~曬死,見女友過了3km 後,再跑到終點再影 ! 真係累過操40K山………..仲要個日水都飲到無晒….渴死!


是次經驗,親身體會到攝影師的辛勞,所以大家日後玩比賽見到有相影嘅時候,除左記得擺個靚pose之外,都記著同攝影師打打氣 ~

圖: 為跑手於比賽時留下最美好的一刻,其實都幾開心!
圖: 最得意之作 ~ 有人表示滿意, 哈!



如果Ladies Run仲未搵番自己D相嘅跑手,都可到以下link搵番:

更多:
Fitz.hk Facebook專頁
你屬於「短褲流」定「壓力褲流」?
每位山友身邊總有一位……裝備L
[真·龜兔賽跑] Tailwind Trail Chase 2016
識揀,一定係揀跑「山」女做女朋友
壞人 [email protected]
Fitz Running 跑步


文章為作者意見,不代表Fitz立場。

歡迎投稿: https://fitz.hk/contribute/

廣告
壞人Ryan
八十後,現職某大型連鎖店之營運經理,自2011 首次參與毅行者後,漸漸愛上越野跑。參加過大大小小之香港路賽,山賽 (凡人一名)。講究裝備,正宗『裝備L』 一名。 堅持屎波都要架生多。同時亦熱愛足球, 死忠曼聯迷。