4月1日更新: 中國國家體育總局3月31日晚公佈，馬拉松等體育賽事活動暫不恢復。
成都雙遺馬拉松健康跑於3月22日舉行
武漢肺炎肆虐歐洲多國，西方多位政要都成為感染者，反觀中國大陸，感染數字已被美國、意大利超前，有人甚至話中國比其他國家更安全。
一片向好聲音之下，自本年年初暫停嘅中國馬拉松賽事，有人放風話會喺五月開始恢復。
《北京新浪網》報道指出，3月22日舉行嘅「成都雙遺馬拉松健康跑 」有1000人參加，而成都隔離嘅重慶，亦於3月29日搞咗場「大足環龍水湖半程馬拉松賽」嘅私房賽「踏春櫻花跑」，參加者雖然只有39人，不過亦被官方吹捧成為復辦長跑賽事嘅里程碑。
----- 廣告 Ad -----
《新浪網》就表明，「馬拉松賽事5月全國重啟」!!!
「踏春櫻花跑」
下半年每周三場比賽
今年年初武漢肺炎在中國境內大爆發，中國田協隨即發佈發通告，禁止於4月30日前舉行體育比賽。但於三月開始中國感染數字大幅下降，武漢解封，全國人民頓然覺得「乜事都無」，開始有聲音覺得要回復正常生活。於是在3月24日，《新華網》發表中國田協負責人嘅講話，話「鼓勵各地安全有序恢復辦賽」。
各省地嘅賽事主辦單位，當然睇得出風向轉咗，亦加快速度落實下半年比賽日子。重慶方面率先確實多場延期比賽嘅比賽日期，集中於10月及11月舉行。浙江省更估計下半嘅賽事參加人數超過80萬!
國內業內人預期9月至12月會是賽事的高峰期，相信每星期全國有至少三場比賽。
----- 廣告 Ad -----
浙江省2019年長跑比賽數據，平均計每日都有一場比賽
當全球體育賽事停擺，連奧運都要延期，筆者只係希望，5月嘅比賽唔會成為病毒再次傳播嘅溫床。
張伯倫
自細肥仔一名，後來因發現患有脂肪肝，決心多做運動注重健康，曾參加並完成毅行者，關注所有健康資訊。