疫情下歐美店舖紛紛關門

疫情之下,人人都以為全球消費極速「攬炒」,財經雜誌《福布斯》發表文章,話有一項消費品無受疫情打擊,反而逆市上升。呢項消費品就係跑鞋! 《福布斯》引述企業分析機構 NPD Group 嘅數字,發現唔少品牌嘅跑鞋銷量,近期都有明顯增長,成為疫情期間最強商品之一。

福布斯》訪問多個品牌,佢哋話銷情並無預期咁差:

Brooks

  • 實體店舖因疫情關閉,但在依靠網上銷售之後,整體銷量仍維持2019年同期水平
  • CEO Dan Sheridan:「明顯感到大家由健身房轉到跑步徑。」

Saucony

  • 路跑鞋及越野跑鞋等核心鞋款,呢段期間有三位數 (triple-digit) 增長。
  • 總裁 Anne Cavassa:「路跑同越野跑嘅人數都有增加。」

New Balance

  • 總經理 Kevin Fitzpatrick:「疫情期間,跑步產品需求急劇增加。喺比賽取消以及跑團暫停之下,玩開球類運動嘅年輕消費者轉去跑步,反而令跑步產品銷售有所增長。」
Reebok Forever Floatride Energy

Reebok

  • 由網上平台所銷售嘅跑鞋,比以往增加有1倍以上。賣得最好係 Forever Floatride Energy,最貴一款香港做緊特價每對 $560。

On running

  • 網上銷售數字上升200%
  • On running 創辦人David Allemann 話: 「疫症大流行之後,好多人開始跑步,一方面是為咗健康,另一方面係為了咗喺戶外呼吸新鮮空氣。」

Hoka One One

  • 沒有具體數字,但整體銷情表現良好
Hoka One One

下半年加快銷售計劃

NPD 並且指出,在跑步熱潮持續情況下,Saucony、Brooks 同 Hoka One One等多個品牌都會加快推出新鞋款及新技術。 如此看來,就算比賽尚未踏入常規,跑鞋之戰將會枕戈待發。

資料: 福布斯

廣告
張伯倫
自細肥仔一名,後來因發現患有脂肪肝,決心多做運動注重健康,曾參加並完成毅行者,關注所有健康資訊。