原定3月舉行嘅萬金石馬拉松，宣佈延期一年
疫症全球大爆發，台灣嘅監控雖比起南韓、日本，甚至香港成功得多 (截至5月27日只得32宗確診)，不過長跑比賽仍需停辦。早幾日，全台灣最高級數的「萬金石馬拉松」終告妥協延期一年，竟然惹起台灣跑手嘅質疑。有人問:
戶外活動唔算傳播疫症嘅高危活動，既然馬拉松比賽係戶外活動，點解要停辦呢?
台灣傳媒搵到一位鍾意跑步嘅醫生，解釋馬拉松比賽有幾危險。大里仁愛醫院嘅醫師吳承羲，成日參加長跑比賽，佢反對疫症蔓延之時仲舉行賽事。因為:
----- 廣告 Ad -----
- 一場比賽閒閒地過千人參加，起跑時人逼人，就算分組起步，仍難免會同其他選手有近距離接觸
- 戴口罩跑比賽係不切實際，連呼吸都有困難，又點樣比賽呢?
- 比賽時補給要用手拎水杯同食物，絕對係交叉感染嘅溫床
吳醫生補充佢一次比賽「中招」嘅經驗。佢話今年參加日月潭29公里賽，賽後疑似患上感冒，咳足3個禮拜。所以佢絕對同意有比賽因疫情而停辦，以控制疫症傳播。以下係喺佢自己 Facebook 嘅帖文:
張伯倫
自細肥仔一名，後來因發現患有脂肪肝，決心多做運動注重健康，曾參加並完成毅行者，關注所有健康資訊。