[毅行前試煉] 圖騰跑

毅行日子將迎，而步入9-10月亦係山賽賽季開鑼嘅時間。好多師兄師姐都操到如火如『柴』，有經驗的師兄分享過，想要知道自己大約毅行者需要做的時間，可以有以下的Formula 去forecast:

雙坳(M3-8) X 1.7 = 毅行

即由北潭坳>荃錦坳(54km)，如你是12小時完成的話(x1.7=20.4)，即大約你可估算自己毅行者可做到的成績約為 20 -21小時。

而剛剛舉行的圖騰跑，正好作為不少參加了毅行的山友在比賽前一次自我的測試。圖騰跑的路線好比一次『小毅行』，起點為北潭涌>北潭坳跑3km石屎路+雙坳(M3-8)，共57km。

北潭坳>荃錦坳(M3-8) 是毅行中的精髓(正好包括晒最甘嘅路段)，當中要跨越: 牛耳石山，雞公山，馬鞍山，大老山，畢架山，金山，針山，草山，大帽山。以上每一個山頭都為『剪帶熱點』。

上年嘅圖騰跑係小弟參加的第一個個人山賽，所以今年再次參加，感覺十分特別。一來可以睇下自己進步幾多(上年成績一般只做到13小時29分)，二來可以測試一下自己今年有無能力衝擊『焦急毅行者』。汲取上年虎頭蛇尾嘅教訓，今年比賽前，不停同自己講~忍忍忍 (唔好心雄同人比)，跟隊長的指導，跟Schedule:『續航力比速度緊要』。

比賽當日可謂天公造美，仲擔心過會取消或要一號風球下雨戰。點知比賽當日，不單無落雨，仲要幾好風，間接造就了不少PB 誕生。當天可謂順風順水，而大會今年吸收上年的經驗，今年的支援做得十分好。

最後小弟亦有幸做到個 Sub 10, PB~ 為OTW打左支強心針。

後記:
其實每次山賽最開心就係賽後搵番d比賽相，同埋朋友互相係FB tag番大家。一直都好想多謝一班山賽攝影師，所以今年比賽帶埋支HTC RE「水喉通」上山。希望自己如果仲有力嘅時候，就影番各位攝影師嘅英姿。最後都只係影左3張，希望下次影到多d。

更多：
Fitz.hk Facebook專頁
每位山友身邊總有一位……裝備L
[真·龜兔賽跑] Tailwind Trail Chase 2016
識揀，一定係揀跑「山」女做女朋友
壞人 [email protected]
Fitz Running 跑步

本文屬作者意見，不代表Fitz立場。