位於佛羅里達州嘅 Treasure Coast,每年都會舉行 Marathon of the Treasure Coast 賽事,佢係美國田協認可嘅「波士頓馬拉松資格賽」 (USATF certfied Boston-Qualifying Marathon) ,唔少想參加波馬嘅跑手,都會特登參賽。

今年賽事於3月1日舉行,但喺起步後,近1300位選手全部跑錯路。大概跑咗大約1英里 (1.6公里),有選手發現問題向大會投訴,有啲甚至跑咗2英里先至回頭。

路線圖 (按圖放大)

主辦大會隨即宣佈將比賽暫停,並且將選手分為兩組。一組繼續喺原地繼續作賽,另一組行返去起點重新起步,重新計時。結果大概有150位選手選擇重新起步。唔少跑手因此間接影響成績,喪失跑波馬嘅資格。

賽事負責人 Mike Melton 話,有接近10%義工因為各種理由臨時甩底,令賽事人員嚴重不足。所以喺轉入第一個彎道時,無人員提醒選手比賽路線,亦沒有足夠顯示牌,導致今次事件。


不過有參加者隨即指責,2017年同一賽事犯過錯誤,當時有成160位選手跑錯路。

咁呢場比賽仲有人參加,隨時只係因為波馬資格。

資料: TCPlam

廣告
張伯倫
自細肥仔一名,後來因發現患有脂肪肝,決心多做運動注重健康,曾參加並完成毅行者,關注所有健康資訊。