同人唔同命，同狗都唔同命! 有強國視狗為食糧，仲搞個狗肉節鼓勵人食狗肉。而澳洲呢隻流浪狗Stormy，闖入比賽場地無畀人趕不特止，仲拎埋完賽獎牌!
澳洲西部小城鎮 Kalgoorlie 舉辦一場半馬比賽，當氣咹一響，比賽跑手隨即跑出。點知，呢隻叫 Stormy 一歲小狗，就跟埋其他選手一齊跑!
有比賽義工向傳媒表示，話 Stormy 喺比賽開始前，已經喺起點附近走來走去，大家見佢咁得意都唔介意。點知 Stormy 竟然衝入跑道跟住人跑，佢哋都無辦法阻止。
結果，Stormy 用咗2.5小時完成呢場半馬比賽。而主辦大會負責人，仲話 Stormy 經過晒咁多個checkpoint，所以頒發完賽獎牌畀佢。
----- 廣告 Ad -----
賽後，大會已經將 Stormy 送去愛護動物組織，希望可以搵番佢嘅主人。不過據了解，當日唔少有份同 Stormy 跑過嘅選手，都好有興趣領養佢返屋企。
至於 Stormy 會唔會參加出年嘅比賽? 比賽負責人話，佢哋嘅比賽規則禁止寵物參與，所以出年 Stormy只能做觀眾!
愛護動物組織已為Stormy尋找領養人。
資料來源: ABC
Fitz 連結: https://fitz.hk/?p=100296
Fitz Facebook 專頁
[東京馬拉松2019] 報名正式開始 8月31日截止
當這地球沒有街
Fitz Running 跑步
永誠
講求綠色、環保、天然的健康生活。推廣新一代健康生活文化。