負責籌辦「香港渣打馬拉松」嘅香港業餘田徑總會，於9月16日黃昏發出新聞稿，宣佈取消原定11月舉行嘅2022賽事。
田總於新聞稿表示「大會至今尚未收到批准舉行渣打香港馬拉松2022」，所以無充足時間籌備活動，唯有宣布取消。雖然田總主關祺早前表示，好幾個月之前已經同政府討論安排，但整篇新聞稿只得150字，並無詳細解釋取消原因。
9月16日晚上，負責香港體育事務嘅「文化體育及旅遊局」，局長楊潤雄出席公開活動被記者問到渣馬取消一事，楊潤雄表示:「我都係突然聽到呢個消息，我會睇下有咩可以幫下手。」佢亦補充:「政府好希望可以搞多啲比賽，畀市民參加」。
文化體育及旅遊局局長楊潤雄
而立法會「體育、演藝、文化及出版界」議員霍啟剛，對賽事取消感到遺憾。佢覺得而家本港已有足夠防疫措施，足以保障市民參與大型活動。霍啟剛又希望政府可以公布清晰指引，令主辧機構有足夠時間籌備活動，以體育賽事推動香港復甦。
----- 廣告 Ad -----
資料: 獨立媒體
張伯倫
自細肥仔一名，後來因發現患有脂肪肝，決心多做運動注重健康，曾參加並完成毅行者，關注所有健康資訊。