每年11月，美國紐約巿舉行 New York City Marathon。呢項自1970年舉行嘅大型賽事，每年吸引約55,000人參加，規模甚大，亦係六大馬拉松之一。不過《紐約時報》報道，紐約市政府已著手籌備舉辦第二場馬拉松賽事「布魯克林馬拉松」(Brooklyn Marathon)，暫訂於2022年4月24日舉行。
有關當局話，紐約市有2000萬人口，有跑步習慣嘅市民數以十萬計，現時 NYC Marathon 報名人數過多，一般市民難以中籤參加，所以搞多一場賽事，係切合紐約市民需要。
賽事暫名為 Brooklyn Marathon，賽道參考2015至2017年舉行過嘅 Rock ’n’ Roll Brooklyn Half Marathon。暫時公開消息話，比賽由北布魯克林出發，會經過曼克頓區及布魯克林大橋等著名紐約地標。
有關方面亦透露，比賽報名費會較 NYC 較平，希望可吸引更多本地跑手。
隨著長跑運動越來越普及，連紐約呢個全球最繁忙嘅城市，都可以喺市內搞多一場馬拉松，香港要做嘅話唔係話唔得呀?
資料: 紐約時報
自細肥仔一名，後來因發現患有脂肪肝，決心多做運動注重健康，曾參加並完成毅行者，關注所有健康資訊。
分享連結:
