Fitz > 運動 Sports > 跑步 Running > 美國布魯克林半馬拉松1死15傷,疑溫度濕度出事

5月21日舉行的美國布魯克林半馬 (Brooklyn Half Marathon) 發生致命事故,32歲心理治療師 David Reichman,衝線後體力不支倒地,送到醫院搶救宣告不治。

受到疫情影響,該場比賽停辦兩年後復賽,共有2萬2千人參賽。不過天公不造美,當日對紐約市居民是「酷熱」的日子,比賽時溫度達華氏70度 (約攝氏21度),濕度有83%。結果除了死者 David Reichman,另有15人因身體不適送院。

天氣情況因人而異

對我哋居住喺亞熱帶嘅人嚟講,攝氏21度絕對唔係「酷熱」天氣。不過當日濕度高達83%,似乎成為唔少人障礙。此外,唔同地區嘅人對天氣適應情況都有不同,亦即係話攝氏10度對北方可能係好天氣,但唔少香港人就會覺得好凍。

此外亦有人認為,疫情下比賽大減,更少機會去做運動。當比賽復辦,參加者未必有足夠訓練達到比賽狀態,於是發生意外。

所以,久休後出賽嘅話,就更需要比賽時留有一手,唔好搏盡。同時要注意熱身及補給,以維持身體良好狀態。

作者按: 網上有言論針對死者跑出 1:40:53 大造文章,話因為佢跑得太快而體力不支 (平均配速約 4:30)。筆者唔知呢啲網民有幾認識死者,不過用比賽時間去判斷意外成因,似乎有點武斷。如果話跑得快會出事嘅話,咁 Eliud Kipchoge 一生人死幾多次呢?

資料: New York Post


⮑ YAS BYKE 踩車保 保障全港所有單車可行走的公路,任何想踩車的地點都可受到保障,覆蓋更加全面! 作為 YAS 的合作夥伴,Fitz 讀者可享有限時1次 BYKE Pro 完整體驗! 把握機會為自己加添一份更全面的保障! 了解更多 BYKE Pro 詳情,請瀏覽此