每年七月初,英國西南部埃夫伯里 (Avebury) 嘅史前遺跡 Stones,都會舉行 Race to the Stones 嘅超級馬拉松。今年100公里項目,Tom Fairbrother 以8小時35分15秒首名衝過終點,但被指中途跑離賽道,而被取消資格,失落冠軍。

事件引起了當地跑圈議論紛紛。因為 Tom 跑到92公里一個分岔路口,依白色剪咀轉彎跑咗2公里。但當佢走入鄉間小路,見唔到大會所標示嘅紅色剪咀。於是佢開咗電子地圖,發現自己真係跑錯路,就打電話畀大會組織者。

呢位大會負責人喺電話向 Tom 話,佢已經完成比賽距離,應該可以拎到冠軍,所以 Tom 雖然明知跑錯路,但仍然衝過終點,之後仲同老婆影相及接受記者採訪。


不過,事後大會決定取消佢參賽資格。咁究竟大會負責有無叫 Tom 繼續跑呢? 就各有各說了。獎杯畀大會收番,Tom 亦投訴無門,唯有寫 blog 講返呢件事

Race to Stones

最值得講,反而係呢場叫 Race to the Stones 嘅比賽。呢個遺蹟,有5000年歷史。對於呢堆石頭嘅作用,到而家都仲係一個謎。

呢場比賽,由 Lewknor 至 Avebury,賽事分為單日賽 (100公里) 以及兩日賽 (100英里)。此外,呢項亦係一項旅遊活動,參加者可以喺遺蹟紮營過夜。

今年比賽已定於7月初舉行。

Race to the Stones 大會網站

資料: News Hub

Fitz連結:  https://fitz.hk/?p=122935

其他文章:

廣告
張伯倫
自細肥仔一名,後來因發現患有脂肪肝,決心多做運動注重健康,曾參加並完成毅行者,關注所有健康資訊。