英國政府官員,最近三番四次話計劃更改移民政策,允許 BNO 持有人延長簽證至12個月,英國首相約翰遜 (Boris Johnson) 更於香港《南華早報》撰文,說 BNO 持有人可於當地工作甚至居留。

要離開家園遠走他方,無可奈何之餘都要認識新嘅生活環境。英國人跑步風氣比香港更盛,唔少賽事歷史悠久,更具特色。

6場英國必跑賽事

1. 倫敦馬拉松 London Marathon

每年4月舉行 (2020年因疫情延期),為世界上最大規模路跑賽事,亦係歷來最大型嘅籌款活動。選手跑勻倫敦新舊城區,英國皇室亦全情投入參與活動,氣氛熱鬧。不過,正因賽事極受歡迎,倫馬係六大馬拉松最難中籤嘅比賽。

大家必須留意,假設英國政府更改 BNO 持有人移民政策,唔知會唔會連帶提升埋 BNO 地位,畀持有人以英國國民身份參加倫馬呢? 咁中籤機會可能大大增加!

官網: 倫敦馬拉松 London Marathon

2. 曼徹斯特馬拉松 Manchester Marathon

除咗兩支足球隊,曼徹斯特仲有呢項馬拉松賽事。曼市馬拉松每年4月初舉行 (2020年因疫情延期),佢喺英國長跑界地位甚高,除咗被視為倫敦馬拉松嘅前哨戰,亦因路線平坦,被英國人視為「全球最高速賽道」 (英國人話咋),容易締造好成績。

官網: 曼徹斯特馬拉松 Manchester Marathon

3. Deep RiverRock Belfast Marathon (北愛爾蘭 貝爾法斯特)

於北愛爾蘭首府貝爾法斯特 (Belfast) 舉行嘅盛大賽事,快速賽道吸引世界各地高手參賽。最特別係有隊際賽事,甚有英國特色。(2020年賽事取消)

官網: Deep RiverRock Belfast Marathon

4. 莎士比亞馬拉松 Shakespeare Marathon

於莎士比亞出生地 Stratford-upon-Avon 舉行 (伯明罕以南22英里),半馬全程在城郊小鎮跑一圈,全馬則跑兩個圈。參加者通常是當地居民,完全能夠體會英國鄉郊民風。(2020年賽事取消)

官網: Shakespeare Marathon

5. 史諾多尼亞馬拉松 Snowdonia Marathon

史諾多尼亞山 (Snowdonia) 是英格蘭及威爾斯最高山峰,海拔2,130公尺,終年積雪。而呢項史諾多尼亞馬拉松,係一項42公里山賽,曾被選為全英最佳馬拉松,2020年賽事名額秒爆。賽事每年10月於威爾斯城填蘭貝里斯 (Llanberis) 舉行。

官網: 史諾多尼亞馬拉松 Snowdonia Marathon

6. Three Forts Challenge (3FC)

被譽為英國最有特色嘅賽事,路線圍繞三座著名城堡 (Cissbury, Chanctonbury, Devils Dyke),最長項目約43公里,但爬升超過1000米,且地型多變,甚具挑戰。

官網: Three Forts Challenge (3FC)

 

資料: RedbullCoachmag

張伯倫
自細肥仔一名,後來因發現患有脂肪肝,決心多做運動注重健康,曾參加並完成毅行者,關注所有健康資訊。