新年伊始,係時候計劃好出年嘅旅遊 plan。旅遊網站 Outside Online 嚴選世上6項著名景點的馬拉松賽事,大家可以寓跑於觀光,或者寓觀光於跑,隨你心意。

最神秘: 印加古城馬拉松 Inca Trail Marathon

其實係一項由當地旅行社搞嘅非正式活動,自稱係全世界最艱難賽事。比賽由秘魯庫斯科 (Cuzco) 跑到神秘古城馬丘比丘 (Machu Picchu) 。呢條係所謂嘅 Inca Trail 印加步道,距離42公里,於海拔10,000英尺比賽。活動於每年6月及8月舉行。(八月已滿,只剩六月可以報名)

唔想跑,想慢慢行,亦可以參加旅行社嘅9日行山團,團費3,400美金。(賽事資訊)

最北面: 午夜太陽馬拉松 Midnight Sun Marathon 

北極圈嘅獨有現象「午夜太陽」,即係太陽24小時都唔落山。喺呢個獨特景觀上比賽,確係難得一試。

比賽於挪威城市 Tromsø 起步,齊齊在「午夜太陽」跑入北極圈。2020年賽事6月20日起步。(賽事資訊)

最火熱: 烏魯魯馬拉松 Australian Outback Marathon

著名澳洲地標,賽事路線穿越灌木叢路,及原住民砂岩地層烏魯魯及該地區地標性紅岩穹頂Kata Tjuta的壯麗景色。2020年賽事於7月25日舉行。(賽事資訊)

最新鮮: 冰島火山馬拉松 Iceland Volcano Marathon

比賽於2020年第一次創辦,路線越過 Hverfjall 火山口的黑沙,​​在北美和歐亞構造板塊相遇的地方經過溫泉及間歇泉,體驗獨特嘅火山景觀。賽事在2020年7月25日舉行。(賽事資訊)

最原始: 烏干達馬拉松 Uganda Marathon

於赤道上的伊麗莎白女王國家公園舉行,參加者會穿越水牛、大象、豹及獅子的聚居地,而且為當地居民籌募經費,推動社區服務。比賽集自然風景及人文景觀,可深入體驗烏干達人民生活。比賽體驗周於2020年5月24至31日舉竹。(賽事資訊)

最熟悉: 京都馬拉松 Kyoto Marathon

相信不少人對京都絕不陌生,而京都馬拉松於這座幾百年的古城比賽,體會日本歷史文化,比起其他大型日本賽事更有特色。明年比賽於2020年2月16日舉行。(賽事資訊)

旅遊資料: Outside Online

張伯倫
自細肥仔一名,後來因發現患有脂肪肝,決心多做運動注重健康,曾參加並完成毅行者,關注所有健康資訊。