香港街馬2019,有3位跑手在比賽中途暈倒。跑手出事,牽涉很多因素,就算當事人都未必知道原因,不過事後縱觀網上言論,仍然有人將責任推畀選賽選手:

  • 「好心操 fit 啲先比賽啦!」
  • 「比賽前要大家交醫生報告咪唔會出事囉!」

福布斯》喺2014年發表過一篇長文,研究馬拉松猝死問題。而上面呢兩種講法,可以話係對事實有誤解:

每100,000名跑手有2位猝死

近年來,全球參加長跑比賽嘅人數,一年多過一年,所以喺比賽中途猝死嘅個案,亦有相應增加。呢個問題,一直都係西方運動科學入面一個重要課題,而猝死原因,就以心臟病發最為普遍。

根據統計,每100.000名馬拉松跑手,會有0.5至2人在比賽中心臟病發死亡。而病發者嘅情況大概係:

  • 死亡年齡最常見是十多歲至30歲左右
  • 與運動經驗或水平沒有直接關係
  • 與天氣沒有直接關係

以佢哋嘅統計,比賽途中身體不適,未必同你 fit 唔 fit 有關。新手會出事,老手一樣會出事。

馬拉松猝死與身形無直接關係

HCM係發病主因

最新就有醫學研究發現,大部份在比賽途中心臟病發嘅跑手,都患有HCM嘅疾病。HCM全稱係Hypertrophic Obstructive Cardiomyopathy (肥厚性心肌症),簡單講就係心臟血管或心室出現生長異常,令血液唔可以流到心臟,引發心室顫動。呢個時候,就要喺幾分鐘之內,用AED心臟起搏器進行急救。

不過,正式馬拉松比賽時,就算喺每個水站都設置一部AED,仍然未必可以及時搶救患者。所以,HCM就成為馬拉松猝死嘅主要原因。

東京馬拉松嘅流動AED

賽前檢查不切實際

擔任倫敦馬拉松醫療總監超過30年嘅Dr. Dan Tunstall Pedoe,強調一般嘅身體檢查,難以發現心臟有HCM等異常問題。原因是:

  • HCM問題可以是與生俱來,也可以是後天形成。所以,除非每次比賽前去做檢查,否則正式比賽亦有風險
  • 要檢查有無HCM,可以借助心電圖 (香港私家醫院最平都要幾千蚊)。不過心電圖都未必準確,最準確係用MRI磁力共振 (香港私家醫院幾萬蚊起錶),不過都係75%準確度
  • Dr. Dan話,要用咁昂貴嘅資源去檢查有一種難以發現,而且發病率亦唔算高嘅疾病,係有啲不切實際

7年跑50場嘅醫生唔敢再跑

美國醫生Dr. McCullough (上圖) 亦有研究運動猝死問題,本身亦有參加馬拉松。佢由42歲開始,用7年時候跑晒全美國50個州嘅馬拉松比賽。不過去到49歲,就宣告退出跑壇,原因係,佢發現馬拉松猝死基本上係避無可避。

「當你跑超過4小時,有四份一機會心臟不能再負荷,心臟隨時會發出聲號!」

現時,Dr. McCullough 已經無參加長跑比賽,只係日常跑番幾公里,每次20-30分鐘。

結論

馬拉松猝死嘅主要係HCM,而HCM係難以預早發現。所以,你可以話定期做健康檢查好似無乜用。

不過,傷害身體嘅疾病唔剩止HCM! 中風、冠心病、高血壓等,係可以經由簡單嘅檢查發現並且作相應治療。所以,既然大家明白馬拉松運動係高危運動,更應該注意健康,無論有無比賽都要定期做身體檢查!

參考資料: 福布斯

Fitz連結: https://fitz.hk/?p=111718


更多:
Fitz Facebook專頁
[箱根驛傳2019] 跑鞋統計 Nike Vaporfly 4%完勝
[渣馬備戰攻略] 比賽一個月前的4項準備
Fitz Running 跑步


文章為作者意見,不代表Fitz立場。

歡迎投稿: https://fitz.hk/contribute/

廣告
永誠
講求綠色、環保、天然的健康生活。推廣新一代健康生活文化。