星期日上演的「香港街馬2023」的半馬拉松項目，出現戲劇性賽果。男子組兩名選手劉俊偉及李盛同時衝線，最初大會公佈李盛以快0.4秒得冠軍，劉俊偉僅得亞軍，季軍是霍睿恒。不過其後劉俊偉向大會上訴得直，晉身為冠軍，李盛被眨至亞軍。
李盛在個人 Facebook 憶述事件，他初段在前面快放，跑至看到東隧時，「先唔講冇領頭車，單車都冇架，指示都唔擺? 人都冇個?」，後來知道自己跑錯了路。跑到油塘了上繞道的時間，劉俊偉從後追上，與他一齊跑。期間他們互有交談，李盛了解到劉俊偉因大會指示不清，劉俊偉跑多了600米。
「一直去到啟德隧道期間都係冇乜工作人員同指示牌，提前大聲問工作人員是否轉左轉右，部分亦答唔出」…… 「望一望錶已是20.8k仲未見到終點，亦冇『最後1k』等提示牌，成場比賽keep住迷惘」。最後他與劉俊偉一起落橋，「突然見到拱門」，兩人同時加速衝線，李盛以0.4秒之微跑贏了劉俊偉。
選手夾錢幫人上訴
比賽完畢，三位冠亞季軍選手都沒有大會人員聯絡，未知何時領獎，只隨便找個地方等候。李盛與季軍霍睿恒亦替跑多了600米的劉俊偉不值，認為應該要上訴。由於劉俊偉身上沒有現金，季軍夾錢給劉俊偉上訴。結果大會判上訴得直。最後賽果如下:
- 冠軍: 劉俊偉
- 亞軍: 李盛
- 季軍: 霍睿恒
李盛表示，他十分支持劉俊偉上訴: 「工作人員叫佢跑條錯既路，係真係幾慘，更何況原本佢已拋離我地超過400米，遠到見唔到，唔爆偈基本上唔會追到，所以佢贏係實至名歸」。
相關報道: RTHK
最update運動資訊
