繼無錫馬拉松於起步前夕與ASICS割席，呢個周末起步嘅上海國際半程馬拉松賽，又臨時中止外國品牌贊助。
4月14日下午，主辦大會向參加者發短信，話:「本次賽事將不發放參賽服裝，對於賽事這一變化，我們深表歉意……」大會將有以下安排:
- 無衫派，你可以選擇唔跑，大會全數退款
- 著自己衫參加比賽，大會會派返60蚊人仔
搜狐引述知情人士話，主辦大會已經同adidas中止合作。
大陸媒體指，中國體育賽事拼棄外國品牌似乎已成趨勢，長跑比賽應該會陸續同外國品牌割席。平民百姓無咗件 Nike、adidas 參賽Tee，或者唔係咩大問題。不過例如中超球會同賽事等，都同外國品牌簽咗數以億計嘅合約，佢哋係咪可以隨時割席呢?
資料: 搜狐
