怪事年年有，北方特別多。福建福州市一名音樂老師，有日帶住隔離屋企嘅7歲小朋友小磊一齊跑步，點知跑跑下，小磊突然暈低，老師即 call 十字車到場，可惜經搶救後小磊宣告不治。小磊父母遷怒於老師，仲要求佢賠償50萬元人民幣。老師不服，話父母都有負任，只願意賠10萬。雙方傾唔掂數最後鬧上法庭，案件正在審理之中。
死亡報告話，小磊有心臟問題，唔適宜做運動，而事發當日天氣酷熱，令小磊跑一陣已經支持唔住。
呢單案件最大爭議，係父母堅決話老師靜靜雞帶小磊出街跑步，問都無問過家長。不過老師有微信對話 cap 圖，真憑實據睇到佢哋要求老師「帶孩子出去操練」。老師亦提及，父母明知小朋友心臟有問題，根本唔應該鼓勵佢去跑步。
7歲小朋友要出街，做父母竟然話唔知道，已經係失職；明知小朋友身體有問題，應該係好好管教佢，減低出事風險運動；到出事之後，苛責出於好心照顧嘅老師，仲要申索賠償，呢對父母簡直係極品。
筆者唔知香港有無呢啲家長，不過各位有教小朋友嘅體育教練，真係要打醒十二分精神。
資料: 台灣新浪網
自細肥仔一名，後來因發現患有脂肪肝，決心多做運動注重健康，曾參加並完成毅行者，關注所有健康資訊。
